AC Milan er ekkert lið

Arrigo Sacchi er einn merkasti þjálfari í sögu AC Milan en undir hans stjórn vann AC Milan tvo Evrópumeistaratitla og lið hans gleymist seint.

Hann er ekkert sérstaklega hrifinn af liði Clarence Seedorf í dag og segir Seedorf ekki vera með neitt lið í höndunum.

Milan féll úr leik í Meistaradeildinni í gær gegn Atletico Madrid. Milan tapaði rimmunni 5-1 samanlagt.

"Þetta var sorgleg stund fyrir Milan og ítalskan fótbolta. Milan er ekkert lið. Liðið verst ekki saman og í sókn er einstaklingsframtakið alls ráðandi," sagði hinn 67 ára gamli Sacchi.

"Ég var sérstaklega óánægður með Adebl Taarabt í leiknum. Hann vafraði um völlinn án tilgangs. Þetta var ekki gott."