Fótbolti

Mörk kvöldsins í Meistaradeildinni | Myndband

Óskar Ófeigur Jónsson skrifar
Bastian Schweinsteiger skoraði í kvöld sitt fyrsta mark síðan í október.
Bastian Schweinsteiger skoraði í kvöld sitt fyrsta mark síðan í október. Vísir/Getty
Bayern München og Atlético Madrid komust í kvöld áfram í átta liða úrslitum Meistaradeildarinnar í fótbolta en Arsenal og AC Milan eru úr leik.

Arsenal situr fjórða árið í röð eftir í sextán liða úrslitum Meistaradeildarinnar eftir 1-1 jafntefli á móti þýsku meisturunum í Bayern München á Allianz Arena í München en Bæjarar unnu fyrri leikinn 2-0 og þar með 3-1 samanlagt. Bastian Schweinsteiger kom Bayern í 1-0 á 55. mínútu en Lukas Podolski jafnaði metin aðeins tveimur mínútum síðar.

Atlético Madrid vann 4-1 sigur á heimavelli í seinni leiknum á móti AC Milan og þar með 5-1 samanlagt. Sigur spænska liðsins var því aldrei í hættu en það gæti hinsvegar verið einhver tími í að AC Milan komist aftur í Meistaradeildina. Diego Costa var áfram á skotskónum fyrir Atlético og skoraði tvö mörk fyrir Atlético í kvöld.

Hér fyrir neðan má sjá mörkin úr báðum leikjum kvöldsins en sextán liða úrslit Meistaradeildarinnar halda síðan áfram á morgun.

Mörkin úr leik Bayern München og Arsenal. Mörkin úr leik Atlético Madrid og AC Milan.
Enski boltinn Meistaradeild Evrópu Þýski boltinn

Tengdar fréttir

Atlético Madrid sló AC Milan út úr Meistaradeildinni

Atlético Madrid er komið í átta liða úrslit Meistaradeildarinnar í fótbolta eftir 4-1 sigur á AC Milan í seinni leik liðanna í sextán liða úrslitum keppninnar. Atlético vann fyrri leikinn 1-0 og þar með 5-1 samanlagt. Diego Costa var áfram á skotskónum og skoraði tvö mörk fyrir Atlético í kvöld.

Mest lesið


Fleiri fréttir

Sjá meira


×

Mest lesið