Ráðgjafi Mercedes og þrefaldur heimsmeistari, Niki Lauda segir tvöföld stig í lokakeppni tímabilsins vera brjálæði.
„Mér finnst þessi ákvörðun kolröng vegna þess að hún eykur áhættuna í síðustu keppninni - sem enginn vill og öllum er sama um,“ sagði Lauda.
„Það var á tímabili umræða um að þetta yrðu þrjár keppni (sem gæfu tvöföld stig), guði sé lof að það er bara ein,“ hélt Lauda áfram.
Forseti Alþjóða akstursíþróttasambandsins, Jean Todt telur að stjórnendur liða í Formúlu 1 verði að taka mark á mótmælum áhorfenda.
„Til að endurskoða ákvörðunina þurfum við einróma samþykki, og ef við fáum það ekki getum við ekki breytt þessu,“ sagði Todt.
Todt óskaði fyrr í vetur, eftir að skipulagshópur Formúlu 1 fundaði um málið en þar náðist ekki einróma samkomulag.
Staðan er því sú að keppnin í Abu Dhabi mun skila tvöföldum stigum. Hugsanlega breytist það í náinni framtíð með frekari umræðu.
