Öll úrslit kvöldsins í Borgunarbikar karla

ÍBV, Fram, Víkingur og Þróttur tryggðu sér í kvöld sæti í átta liða úrslitum Borgunarbikars karla.

ÍBV vann frekar óvæntan stórsigur á Val í Eyjum. Fram og Víkingur skoruðu bæði fimm mörk og unnu örugga sigra þó svo Fram hafi fengið á sig mörk undir lokin.

Eina alvöru spennan var í leik Stjörnunnar og 1. deildarliðsins Þróttar. Þar varð að framlengja leikinn og framlengingin var varla hafin er Matthew Eliason kom Þrótturum yfir og það mark dugði til sigurs.

Úrslit:

ÍBV - Valur  3-0

1-0 Magnús Már Lúðvíksson, sjm (47.), 2-0 Jon Glenn (53.), 3-0 Jon Glenn (80).

KV - Fram  3-5

0-1 Haukur Baldvinsson (6.), 1-1 Garðar Ingi Leifsson (39.), 1-2 Aron Þórður Albertsson (43.), 1-3 Alexander Már Þorláksson (63.), 1-4 Alexander Már Þorláksson (73.), 1-5 Alexander Már Þorláksson (76.), 2-5 Magnús Gíslason (83.), 3-5 Atli Jónasson (90.)

Stjarnan - Þróttur  0-1

0-1 Matthew Eliason (93.)

Víkingur R. - Fylkir  5-1

1-0 Pape Faye (7.), 2-0 Arnþór Ingi Kristinsson (11.), 3-0 Arnþór Ingi Kristinsson (22.), 3-1 Andrew Sousa (28.), 4-1 Ívar Örn Jónsson (77.), 5-1 Aron Elís Þrándarson.