Kristján Þór efstur á stigalista Eimskipsmótaraðarinnar

Kristján Þór Einarsson úr Kili Mosfellsbæ er efstur á stigalista Eimskipsmótaraðarinnar eftir sigurinn á Íslandsmótinu í holukeppni í gær.

Bjarki Pétursson úr GB í Borgarnesi er annar en hann tapaði fyrir Kristjáni í úrslitaleiknum. Gísli Sveinbergsson úr Keili er þriðji og Ragnar Már Garðarsson úr GKG er fjórði en hann sigraði á fyrstu tveimur mótum Eimskipsmótaraðarinnar; Nettómótinu á Hólmsvelli í Leiru og Egils-Gull mótinu á Strandarvelli á Hellu.

Íslandsmótið í holukeppni, Securitas-mótið, var fjórða mótið af alls sjö á Eimskipsmótaröðinni á þessu tímabili. Það eru aðeins þrjú mót eftir, Íslandsmótið höggleik í júlí og síðan fara fram tvö mót í ágúst, fyrst á Garðavelli og lokamótið fer síðan fram á Akureyri.

Rúnar Arnórsson úr GK varð stigameistari árið 2013 á Eimskipsmótaröðinni en hann er í fimmta sæti .

Birgir Leifur Hafþórsson úr GKG, sem sigraði á Símamótinu á Hamarsvelli í Borgarnesi er sjötti á stigalista Eimskipsmótaraðarinnar:

Staða efstu kylfinga á stigalista Eimskipsmótaraðarinnar er þessi:

1. Kristján Þór Einarsson, GKj. 4754.00 stig

2. Bjarki Pétursson, GB 4048.75 stig

3. Gísli Sveinbergsson, GK 3312.50 stig

4. Ragnar Már Garðarsson, GKG 3172.50 stig

5. Rúnar Arnórsson, GK 2557.50 stig

6. Birgir Leifur Hafþórsson, GKG 2400.00 stig

7. Haraldur Franklín Magnús, GR 2393.31 stig

8. Andri Þór Björnsson, GR 2204.00 stig

9. Aron Snær Júlíusson, GKG 1973.75 stig

10. Heiðar Davíð Bragason, GHD 1965.00 stig

11. Andri Már Óskarsson, GHR 1955.00 stig

12. Stefán Már Stefánsson, GR 1929.00 stig

13. Stefán Þór Bogason, GR 1739.00 stig

14. Benedikt Árni Harðarson, GK 1730.25 stig

15. Birgir Björn Magnússon, GK 1626.50 stig

16. Fannar Ingi Steingrímsson, GHG 1485.00 stig

17. Alfreð Brynjar Kristinsson, GKG 1483.50 stig

18. Arnar Snær Hákonarson, GR 1467.50 stig

19. Sigmundur Einar Másson, GKG 1313.75 stig

20. Ari Magnússon, GKG 1235.00 stig