Japanskur sundmaður rekinn af Asíuleikunum fyrir þjófnað

Japanska sundsambandið hefur rekið einn af sundmönnum sínum af Asíuleikunum fyrir að stela myndavél.

Naoya Tomita er grunaður um að hafa stolið myndavél í eigu suður-kóreskra fjölmiðla en Tomita átti titil að verja í 200 metra bringusundi frá fyrri Asíuleikum.

Sást til Tomita setja myndavélina í poka í eftirlitsmyndavélakerfi á fimmtudaginn og hefur hann viðurkennt brot sitt.

Tomita þarf að greiða sjálfur fyrir flugferðina heim frá Suður-Kóreu en hann hafði keppt í 100 metra bringusundi á leikunum þar sem hann hafnaði í fjórða sæti.