Frumsýning á Vísi: Nýtt myndband frá Leaves

Hljómsveitin Leaves hafa sent frá sér nýtt myndband við lagið Perfect Weather. Lagið er tekið af síðustu plötu sveitarinnar See you in the Afterglow sem kom út fyrir síðustu jól.

Myndbandinu var leikstýrt af Sigurgeiri Þórðarsyni og Guðjóni Hafþóri Ólafssyni en þeir starfa undir nafninu Túkall.

Tökurnar fóru fram við Rauðhóla að hluta til og einnig í yfirgefnu sumarhúsi skammt frá Rauðavatni. Arnar, söngvari sveitarinnar, þurfti svo að fara ofan í ísjökulkalt fen á Mosfellsheiðinni klæddur jakkafötum.

Fyrir þá sem hafa áhuga að sjá sveitina á tónleikum þá kemur Leaves fram á Airwaves-tónlistarhátíðinni miðvikudaginn 5.nóvember í Norðurljósasal Hörpu klukkan 22.30. Þeir munu einnig spila á skemmtistaðnum Boston lagardaginn 8.nóvember klukkan 19.00 en þar fer fram off-venue dagskrá hátíðarinnar.