Messi er bæði búinn að skora og leggja upp - sjáið mörkin

Argentínumaðurinn Lionel Messi er bæði búinn að skora og leggja upp mark í fyrri hálfleik á leik Barcelona og Ajax í þriðju umferð Meistaradeildarinnar en liðin mætast á Nývangi í kvöld.

Lionel Messi lagði fyrst upp mark fyrir Neymar á sjöundu mínútu leiksins og bætti síðan sjálfur við marki á 24. mínútu eftir stoðsendingu frá Andrés Iniesta.

Kolbeinn Sigþórsson og félagar í Ajax eru því búnir að graf sér djúpa holu en allur seinni hálfleikurinn er þó eftir.

Það er hægt að sjá þessi mörk Barcelona-liðsins hér fyrir neðan.

1-0 fyrir Barcelona 2-0 fyrir Barcelona