Varalið Liverpool tapaði aðeins með einu marki í Madrid

Flestir bjuggust við því að Real Madrid myndi skora fjölda marka í kvöld er þeir sáu liðsuppstillinguna hjá Liverpool. Ekkert varð af markaveislunni en Liverpool tapaði samt.

Liverpool hélt út pressu Real í 27 mínútur. Þá batt Karim Benzema endahnútinn á laglega sókn Real. Hann varð um leið fjórði leikmaðurinn í sögu Meistaradeildarinnar sem nær að skora að minnsta kosti fimm mörk í keppninni fjögur tímabil í röð.

Real Madrid fékk klárlega færi til þess að bæta við mörkum en nýtti ekki færin. Liverpool varðist að sama skapi vel en skapaði ekkert fram á við.

Real er komið áfram í keppninni en Liverpool þarf að vinna sína síðustu leiki til þess að komast áfram.

Benzema skorar fyrsta mark leiksins.