Alfreð fær nýjan þjálfara

Jagoba Arrasate hefur fengið stígvélið frá forráðamönnum Real Sociedad, en honum hefur verið sagt upp sem þjálfari liðsins. Þetta var staðfest í kvöld.

Félagið sendi frá sér yfirlýsingu í kvöld þess efnis að Arrasate hafi verið sagt upp störfum, en gengi Sociedad hefur verið afleitt á tímabilinu.

Liðið er í nítjánda sæti deildarinnar með sex stig eftir tíu leiki eftir frábært tímabil í fyrra þar sem liðið lenti í sjötta sæti.

Alfreð Finnbogason mun því leika undir stjórn nýs þjálfara á næstunni, en David Moyes fyrrum stjóri Manchester United og Everton er orðaður við starfið.