Zenit skrefi nær 16-liða úrslitunum | Sjáðu markið

Zenit kom sér upp í annað sæti C-riðils í Meistaradeild Evrópu með 1-0 sigri á Benfica í Rússlandi í kvöld.

Danny skoraði eina mark leiksins á 79. mínútu með skoti af stuttu færi eftir laglega sendingu Hulk.

Sigurinn þýðir að Zenit er komið með sjö stig og er nú tveimur á eftir Bayer Leverkusen sem mætir Monaco í kvöld. Monaco getur endurheimt annað sætið með sigri á þeim þýsku en liðið er með fimm stig.

Þetta þýðir einnig að Benfica er úr leik í baráttunni um sæti í 16-liða úrslitunum og verður að treysta á að Monaco vinni ekki í kvöld til að eiga enn möguleika á sæti í Evrópudeild UEFA eftir áramót.

Benfica verður þó án Luisao í lokaumferð riðlakeppninnar þar sem að hann fékk að líta rauða spjaldið undir lok leiksins, er hann fékk að líta sína aðra áminningu í leiknum.