Hvað ef Michael Bay leikstýrði Star Wars?

Stikla nýrrar Star Wars myndar hefur vakið mikla athygli síðustu daga. Þó hún sýni ekki mikið hafa harðir aðdáendur eytt gífurlegum tíma í að fara út í öll smáatriði stiklunnar. Í upphafi var hópur aðdáenda óánægður með að J.J Abrams hefði verið fenginn til að leikstýra myndinni.

Einn notandi Youtube vildi þó í dag sýna að stiklan gæti verið verri og birti í dag endurgerð þar sem hann hafði breytt henni í sannkölluðum Michael Bay stíl. Stiklan er nú full af sprengingum, vöru auglýsingum, tæknibrellum og hljóðum.