Nú er komið nóg! Ungt fólk skrifar 1. mars 2014 06:00 Við erum kynslóðin sem ólst upp í hinu svokallaða góðæri. Kynslóðin sem þekkti ekki annað en ríkisstjórn Sjálfstæðisflokksins, meirihlutaræði og staðnað valdakerfi Davíðs Oddssonar, kvótakerfi og bankakerfi einkavætt fyrir einkavini, Kárahnjúkavirkjun, þjóðrembu útrásarinnar, spaðagosa á sviði með 50 Cent og trúna á Ísland – Best í heimi/Stórasta landið í heimi! Samfélagið sem flaug stjórnlaust áfram og þoldi ekki gagnrýni. Samfélagið sem hrundi yfir okkur í framhaldsskóla. Þá urðu sko allir brjálaðir; búsáhaldabyltu Austurvelli dögum og vikum saman, tugþúsundir Íslendinga. Við vildum stjórnarslit og kosningar; nýjan og faglegan Seðlabanka, Fjármálaeftirlit, fjölmiðla og háskóla. Alþingi. Nýja stjórnarskrá og betri stjórnsýslu, sjálfbæra stjórnarhætti í sátt við umhverfið. Upplýstari og faglegri umræðu með lýðræðislegri og málefnalegri vinnubrögðum. Samráð, virðingu og auðmýkt. Svo gerðist eitthvað Icesave og verðtrygging og skjaldborg og allir gleymdu. Framsókn lofaði fólki lægri skuldum, Sjálfstæðisflokkurinn lægri sköttum og flokkarnir sem leiddu þjóðfélag æsku okkar til hruns komust aftur til valda eins og hendi væri veifað. Endurreisn eftirhrunsáranna var hratt og örugglega leyst upp svo að gamla Ísland stæði bert eftir. Nýrri stjórnarskrá, með lýðræðisumbótum, gegnsæi og ábyrgð, var hent í ruslið. Þjórsá varð dollaramerki. 120 milljarðar í íslenskan ríkisáburð.Hvergi auðmýkt og virðing Útgerð, auðmenn og ferðaþjónusta fengu grið vegna þess að þau áttu svo bágt, á meðan háskólarnir, ríkisútvarpið, heilbrigðiskerfið og fátækt fólk í fátækum löndum fékk að finna fyrir niðurskurðarhnífnum. Áhættufjárfestir varð formaður FME á meðan fyrrverandi formaður, sem rannsóknarskýrslan taldi verulega ábyrgan að vanrækslu í því starfi, varð formaður flokkspólitískrar stjórnar LÍN – sem drullaði yfir námsmenn í kjölfarið. Stjórn RÚV varð líka flokkspólitísk, 60 starfsmönnum var sagt upp og útvarpsstjórinn hrökklaðist úr starfi eftir að ríkisfjölmiðillinn leyfði sér gagnrýna umfjöllun. Gagnrýnin umfjöllun í fræðasamfélaginu, sem svo sárlega vantaði á uppeldisárum okkar, hlaut hótanir um brottrekstur og opinber uppnefni ráðamanna að launum. Sjálfstæður seðlankastjóri var með „undarlega forgangsröðun“ þegar hann lagði mat á stefnu stjórnarinnar, svo nauðsynlegt þurfti að auglýsa stöðu hans lausa og skapa „svigrúm“ til að breyta þeirri nýtilkomnu meginreglu að skipa seðlabankastjóra faglega. Auðmýkt og virðingu er hvergi að finna.Aldrei aftur Formaður fjárlaganefndar ögrar og hótar gagnrýnendum sínum, tvíeflist þegar hún finnur að hún gerir eitthvað sem öðrum misbýður og heldur ótrauð áfram að „rúst'essu“. Forsætisráðherra rústar þessu líka. Drullar yfir alla sem voga sér gagnrýni, ræðst að persónum, svarar spurningum með útúrsnúningi og skætingi, hæðist að fjölmiðlamönnum og fræðimönnum, gerir lítið úr rökfærni viðmælenda sinna á sama tíma og hann gerist sjálfur sekur um hroka, yfirgang og rökleysur sem eiga sér vart hliðstæðu, nema ef vera skyldi í kónginum gamla – sem nú ritstýrir einum stærsta fjölmiðli landsins, með reglubundnum árásum á endurreisnina. Útlendingar eru aftur orðnir skammstafanir sem þarfnast endurmenntunar og Ísland bezt í heimi. Og nú ætla báðir stjórnarflokkarnir að svíkja skýr kosningaloforð blákalt með því að slíta viðræðum við ESB. Með því að koma í veg fyrir að umræða um eitt stærsta deilumál þjóðarinnar geti orðið upplýst, í veg fyrir að þjóðin fái sitt að segja um eigin framtíð. Með því að gefa skít í þá lýðræðishugsun sem glitti í upp úr hruni. Með því ætla þeir að reka síðasta naglann í líkkistu umbóta eftir hrun. Sturta nýja Íslandi niður klósettið. Endurvekja samfélag góðærisins, svo næstu kynslóðir verði undir hruni hins nýja loftkastala gömlu valdaklíkunnar. Það er á okkar allra ábyrgð að koma í veg fyrir það. Mætum á Austurvöll í dag með búsáhöld og von í brjósti. Og aftur og aftur, þangað til þeir fara. Svo samfélag æsku okkar snúi aldrei aftur.Viktor Orri Valgarðsson stjórnmálafræðingurStefán Rafn Sigurbjörnsson, formaður Ungra jafnaðarmannaInga Auðbjörg Kristjánsdóttir, varaformaður Ungra jafnaðarmannaGísli Garðarsson, talsmaður Ungra vinstri grænna í utanríkismálumUna Hildardóttir, alþjóðaritari Ungra vinstri grænnaArnaldur Sigurðarson, formaður Ungra pírataÁsta Helgadóttir, varaþingmaður PírataUnnsteinn Jóhannsson, fulltrúi Bjartrar framtíðarFreyja Steingrímsdóttir, alþjóðafulltrúi Ungra EvrópusinnaSema Erla Serdar, fyrrv. formaður Ungra EvrópusinnaÓlafur Heiðar Helgason hagfræðinemiOddur Ævar Gunnarsson stjórnmálafræðinemiGarðar Þór Þorkelsson kvikmyndafræðingur Viltu birta grein á Vísi? Sendu okkur póst. Senda grein Una Hildardóttir Mest lesið Halldór 23.8.2025 Halldór Vanþekking eða vísvitandi blekkingar? Hjörtur J. Guðmundsson Skoðun „I believe the children are our future…“ Karen Rúnarsdóttir Skoðun Heildstætt heilbrigðiskerfi – hagur okkar allra Alma D. Möller Skoðun Skólaskætingur Þórdís Kolbrún R. Gylfadóttir Skoðun Andaðu rólega elskan... Ester Hilmarsdóttir Skoðun Eldri borgarar – áhrif aðildar að Evrópusambandinu (ESB) Þorvaldur Ingi Jónsson Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson Skoðun Er Akureyri að missa háskólann sinn? Aðalbjörn Jóhannsson Skoðun Ný sókn í menntamálum Guðmundur Ari Sigurjónsson Skoðun Skoðun Skoðun Heildstætt heilbrigðiskerfi – hagur okkar allra Alma D. Möller skrifar Skoðun Vanþekking eða vísvitandi blekkingar? Hjörtur J. Guðmundsson skrifar Skoðun „I believe the children are our future…“ Karen Rúnarsdóttir skrifar Skoðun Mikilvægi félagasamtaka og magnað maraþon Þuríður Harpa Sigurðardóttir skrifar Skoðun Allt sem ég þarf að gera Dagbjartur Kristjánsson skrifar Skoðun Eldri borgarar – áhrif aðildar að Evrópusambandinu (ESB) Þorvaldur Ingi Jónsson skrifar Skoðun Meiri gæði og mun minni álögur - Hveragerðisleiðin í leikskólamálum Jóhanna Ýr Jóhannsdóttir,Sandra Sigurðardóttir,Dagný Sif Sigurbjörnsdóttir,Halldór Benjamín Hreinsson,Njörður Sigurðsson skrifar Skoðun Reykjavíkurborg stígur fyrsta skrefið í snjallvæðingu umferðarljósa! Einar Sveinbjörn Guðmundsson skrifar Skoðun Framtíðin í fyrsta sæti – mikilvægi forgangsröðunar á tillögum Kópavogsbæjar í grunnskólamálum Sigrún Ólöf Ingólfsdóttir skrifar Skoðun Notkun ökklabanda Guðmundur Ingi Þóroddsson skrifar Skoðun Skólaskætingur Þórdís Kolbrún R. Gylfadóttir skrifar Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson skrifar Skoðun Ný sókn í menntamálum Guðmundur Ari Sigurjónsson skrifar Skoðun Þjóðarmorð, fálmandi mjálm eða aðgerðir? Viðar Hreinsson skrifar Skoðun Vin í eyðimörkinni – almenningsbókasöfn borgarinnar Sanna Magdalena Mörtudóttir skrifar Skoðun Er Akureyri að missa háskólann sinn? Aðalbjörn Jóhannsson skrifar Skoðun Tíu staðreyndir um alvarlegustu kvenréttindakrísu heims Stella Samúelsdóttir skrifar Skoðun Ég vildi óska þess að ég hefði hreinlega fengið krabbamein Íris Elfa Þorkelsdóttir skrifar Skoðun Mestu aularnir í Vetrarbrautinni Kári Helgason skrifar Skoðun Fjárfestum í fyrsta bekk, frekar en fangelsum Hjördís Eva Þórðardóttir skrifar Skoðun Eftirlíking vitundar og hætturnar sem henni fylgja Þorsteinn Siglaugsson skrifar Skoðun Andaðu rólega elskan... Ester Hilmarsdóttir skrifar Skoðun Gagnvirkni líkama og vitundar til heilbrigðis Þórdís Hólm Filipsdóttir skrifar Skoðun Nýjar lausnir í kennslu – gamlar hindranir Bogi Ragnarsson skrifar Skoðun Kópavogsleiðinn Ragnar Þór Pétursson skrifar Skoðun Samstarf sem skilar raunverulegum loftslagsaðgerðum Nótt Thorberg skrifar Skoðun Lærum að lesa og reikna Jón Pétur Zimsen skrifar Skoðun Loforðið sem borgarstjóri gleymdi Magnea Gná Jóhannsdóttir skrifar Skoðun Kristrún, það er bannað að plata Snorri Másson skrifar Skoðun Öndunaræfingar í boði SFS Vala Árnadóttir skrifar Sjá meira
Við erum kynslóðin sem ólst upp í hinu svokallaða góðæri. Kynslóðin sem þekkti ekki annað en ríkisstjórn Sjálfstæðisflokksins, meirihlutaræði og staðnað valdakerfi Davíðs Oddssonar, kvótakerfi og bankakerfi einkavætt fyrir einkavini, Kárahnjúkavirkjun, þjóðrembu útrásarinnar, spaðagosa á sviði með 50 Cent og trúna á Ísland – Best í heimi/Stórasta landið í heimi! Samfélagið sem flaug stjórnlaust áfram og þoldi ekki gagnrýni. Samfélagið sem hrundi yfir okkur í framhaldsskóla. Þá urðu sko allir brjálaðir; búsáhaldabyltu Austurvelli dögum og vikum saman, tugþúsundir Íslendinga. Við vildum stjórnarslit og kosningar; nýjan og faglegan Seðlabanka, Fjármálaeftirlit, fjölmiðla og háskóla. Alþingi. Nýja stjórnarskrá og betri stjórnsýslu, sjálfbæra stjórnarhætti í sátt við umhverfið. Upplýstari og faglegri umræðu með lýðræðislegri og málefnalegri vinnubrögðum. Samráð, virðingu og auðmýkt. Svo gerðist eitthvað Icesave og verðtrygging og skjaldborg og allir gleymdu. Framsókn lofaði fólki lægri skuldum, Sjálfstæðisflokkurinn lægri sköttum og flokkarnir sem leiddu þjóðfélag æsku okkar til hruns komust aftur til valda eins og hendi væri veifað. Endurreisn eftirhrunsáranna var hratt og örugglega leyst upp svo að gamla Ísland stæði bert eftir. Nýrri stjórnarskrá, með lýðræðisumbótum, gegnsæi og ábyrgð, var hent í ruslið. Þjórsá varð dollaramerki. 120 milljarðar í íslenskan ríkisáburð.Hvergi auðmýkt og virðing Útgerð, auðmenn og ferðaþjónusta fengu grið vegna þess að þau áttu svo bágt, á meðan háskólarnir, ríkisútvarpið, heilbrigðiskerfið og fátækt fólk í fátækum löndum fékk að finna fyrir niðurskurðarhnífnum. Áhættufjárfestir varð formaður FME á meðan fyrrverandi formaður, sem rannsóknarskýrslan taldi verulega ábyrgan að vanrækslu í því starfi, varð formaður flokkspólitískrar stjórnar LÍN – sem drullaði yfir námsmenn í kjölfarið. Stjórn RÚV varð líka flokkspólitísk, 60 starfsmönnum var sagt upp og útvarpsstjórinn hrökklaðist úr starfi eftir að ríkisfjölmiðillinn leyfði sér gagnrýna umfjöllun. Gagnrýnin umfjöllun í fræðasamfélaginu, sem svo sárlega vantaði á uppeldisárum okkar, hlaut hótanir um brottrekstur og opinber uppnefni ráðamanna að launum. Sjálfstæður seðlankastjóri var með „undarlega forgangsröðun“ þegar hann lagði mat á stefnu stjórnarinnar, svo nauðsynlegt þurfti að auglýsa stöðu hans lausa og skapa „svigrúm“ til að breyta þeirri nýtilkomnu meginreglu að skipa seðlabankastjóra faglega. Auðmýkt og virðingu er hvergi að finna.Aldrei aftur Formaður fjárlaganefndar ögrar og hótar gagnrýnendum sínum, tvíeflist þegar hún finnur að hún gerir eitthvað sem öðrum misbýður og heldur ótrauð áfram að „rúst'essu“. Forsætisráðherra rústar þessu líka. Drullar yfir alla sem voga sér gagnrýni, ræðst að persónum, svarar spurningum með útúrsnúningi og skætingi, hæðist að fjölmiðlamönnum og fræðimönnum, gerir lítið úr rökfærni viðmælenda sinna á sama tíma og hann gerist sjálfur sekur um hroka, yfirgang og rökleysur sem eiga sér vart hliðstæðu, nema ef vera skyldi í kónginum gamla – sem nú ritstýrir einum stærsta fjölmiðli landsins, með reglubundnum árásum á endurreisnina. Útlendingar eru aftur orðnir skammstafanir sem þarfnast endurmenntunar og Ísland bezt í heimi. Og nú ætla báðir stjórnarflokkarnir að svíkja skýr kosningaloforð blákalt með því að slíta viðræðum við ESB. Með því að koma í veg fyrir að umræða um eitt stærsta deilumál þjóðarinnar geti orðið upplýst, í veg fyrir að þjóðin fái sitt að segja um eigin framtíð. Með því að gefa skít í þá lýðræðishugsun sem glitti í upp úr hruni. Með því ætla þeir að reka síðasta naglann í líkkistu umbóta eftir hrun. Sturta nýja Íslandi niður klósettið. Endurvekja samfélag góðærisins, svo næstu kynslóðir verði undir hruni hins nýja loftkastala gömlu valdaklíkunnar. Það er á okkar allra ábyrgð að koma í veg fyrir það. Mætum á Austurvöll í dag með búsáhöld og von í brjósti. Og aftur og aftur, þangað til þeir fara. Svo samfélag æsku okkar snúi aldrei aftur.Viktor Orri Valgarðsson stjórnmálafræðingurStefán Rafn Sigurbjörnsson, formaður Ungra jafnaðarmannaInga Auðbjörg Kristjánsdóttir, varaformaður Ungra jafnaðarmannaGísli Garðarsson, talsmaður Ungra vinstri grænna í utanríkismálumUna Hildardóttir, alþjóðaritari Ungra vinstri grænnaArnaldur Sigurðarson, formaður Ungra pírataÁsta Helgadóttir, varaþingmaður PírataUnnsteinn Jóhannsson, fulltrúi Bjartrar framtíðarFreyja Steingrímsdóttir, alþjóðafulltrúi Ungra EvrópusinnaSema Erla Serdar, fyrrv. formaður Ungra EvrópusinnaÓlafur Heiðar Helgason hagfræðinemiOddur Ævar Gunnarsson stjórnmálafræðinemiGarðar Þór Þorkelsson kvikmyndafræðingur
Skoðun Meiri gæði og mun minni álögur - Hveragerðisleiðin í leikskólamálum Jóhanna Ýr Jóhannsdóttir,Sandra Sigurðardóttir,Dagný Sif Sigurbjörnsdóttir,Halldór Benjamín Hreinsson,Njörður Sigurðsson skrifar
Skoðun Reykjavíkurborg stígur fyrsta skrefið í snjallvæðingu umferðarljósa! Einar Sveinbjörn Guðmundsson skrifar
Skoðun Framtíðin í fyrsta sæti – mikilvægi forgangsröðunar á tillögum Kópavogsbæjar í grunnskólamálum Sigrún Ólöf Ingólfsdóttir skrifar
Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson skrifar