Vill vinna með Pharrell

Tónlistarmaðurinn Elton John vill færa sig yfir í hiphop-tónlist á næstu plötu sinni en hann gaf út plötuna The Diving Board í fyrra sem er eins langt frá hiphop-i og hugsast getur.

„Mig langar hugsanlega að vinna nokkur lög með Pharrell. Ég hef ekki hugsað um næstu plötu enn þá. Ég tek bara því sem að höndum ber. Ég er ekki með neina fasta áætlun,“ segir Elton í viðtali við Rolling Stone.

„Mér þætti frábært að fara meira út í hiphop. En ég kann það ekki. Ég þyrfti að vinna með einhverjum sem kann það eins og Pharrell eða Kanye West.“