Marchionne býst við Ferrari í fremstu röð undir lok tímabilsins

Forseti Ferrari Sergio Merchionne segi að lokakeppnir ársins verði spennandi fyrir liðið. Hann telur að þá komi í ljósútkoma endurreisnar liðsins.

Marchionne ítrekar þó að fyrri hluti tímabilsins verði erfiður enda gekk 2014 illa hjá liðinu.

„Því miður höfum við misst af lestinni. Við byrjum nú aftarlega en setjum hausinn undir okkur og reynum að vinna,“ sagði Marchionne.

„Ég vona að við munum sjá framfarir á brautinni fyrir lok tímabils. Ég held að áhugaverðasti hluti 2015 verði síðustu keppnirnar,“ bætti hann við.

Marhionne segir að leyfi til að þróa vélar yfir tímabilið veiti honum aukna von um framfarir. Liðið hafi þegar séð hluta af þeirri vinnu skila sér.

Að lokum minnti Marchionne á að hann mun stíga til baka og minnka bein afskipti af rekstri liðsins. Hann hefur fengið Maurizio Arrivabene hlutverk liðsstjóra.