Ecclestone: Ég held að Hamilton verði meistari 2015

Bernie Ecclestone, formúlueinráður telur að Lewis Hamilton, ríkjandi heimsmeistari tryggji sér sinn þriðja titil í ár. Ecclestone segir að Hamilton sé „góður meistari“ fyrir íþróttina.

Hamilton er mjög sigurstranglegur í augnablikinu. Fast á hæla hans kemur liðsfélagi hans, Nico Rosberg. Þeir aka fyrir Mercedes sem hafði gríðarlega yfirburði á síðasta tímabili. Það er ekkert sem bendir til annars en að þeir verði sterkir áfram.

„Hvort hann er sigurstranglegastur eða ekki, þá held ég að hann verði meistari,“ sagði hinn 84 ára Ecclestone.

„Honum fylgir önnur tegund áhorfenda. Hann er góður heimsmeistari,“ bætti Ecclestone við.

Ecclestone óttast að Mercedes muni drottna í nokkur ár í viðbót - hann vill koma í veg fyrir það með reglubreytingum.

„Mercedes smíðaði svo góða vél að þeir skyldu alla aðra eftir. Ég get ekki séð hvernig önnur lið ættu að ná þeim á næstunni. Það gæti tekið þrjú ár. Við höfum ekki efni á að bíða í þrjú ár, né tvö eða eitt ár,“ sagði Ecclestone að lokum.