Anton Sveinn með sinn besta tíma á árinu og á leið í úrslit

Anton Sveinn McKee, sundmaður úr Ægi, synti sig inn í A-úrslit á NCAA mótinu í Iowa í 200 jarda bringusundi, en úrsiltasundið verður synt í nótt.

Þetta er besti tími Antons á árinu, en þetta var bæting um eina sekúndu frá SEC-mótinu sem Anton tók þátt í febrúar.

Anton Sveinn hefur verið að sunda vel undanfarið ár, en hann á meðal annars núverandi Íslandsmet í 400 metra skriðsundi, 800 metra skriðsundi og 1500 metra skriðsundi.

Einnig á hann metið í 200 metra bringusundi, 200 metra fjórsundi og 400 metra fjórsundi.