Gauti sá um HK-inga

Pepsi-deildarlið ÍBV vann 1. deildar lið HK, 2-0, í riðli 1 í Lengjubikar karla í fótbolta í kvöld.

Gauti Þorvarðarson skoraði bæði mörk Eyjamanna, það fyrra á 77. mínútu og það síðara á 82. mínútu. Leikið var í Kórnum.

ÍBV er með níu stig í fimmta sæti riðilsins eftir sigurinn í kvöld, en fyrir leikinn voru Eyjamenn aðeins búnir að skora í einum leik af fimm.

Ljóst er að ÍBV fer ekki í átta liða úrslitin þar sem liðið er búið með alla sjö leiki sína.

HK er í þriðja sæti með tólf stig eftir tapið í kvöld.