Jafnt í fjörugum leik fyrir norðan

Fram og KA gerðu jafntefli í fyrstu umferð fyrstu deildar karla. Leikurinn var fjörugur og endaði með 3-3 jafntefli.

Ævar Ingi Jóhannesson kom KA yfir eftir tveggja mínútna leik og Elfar Árni Aðalsteinsson tvöfaldaði forystuna.

Orri Gunnarsson minnkaði muninn í upphafi síðari hálfleiks og Brynjar Benediktsson jafnaði á 57. mínútu.

Orri bætti við öðru marki sínu á 85. mínútu og Fram virtist vera að fara vinna fyrsta leik tímabilsins.

Ævar Ingi Jóhannesson var ekki á sama máli og jafnaði metin í uppbótartíma. Lokatölur 3-3 í fjörugum leik fyrir norðan.