Liðsstjóri Ferrari, Maurizio Arrivabene segir marga ökumenn hafa haft samband við sig með það fyrir augum að aka fyrir Ferrari í náinni framtíð.
Kimi Raikkonen, annar ökumanna Ferrari liðsins hefur átt erfitt uppdráttar undanfarið. Orðrómur er á kreiki um að hann fái ekki sæti hjá liðinu á næsta ári. Samningur hans er opinn eftir tímabilið og verður hugsanlega endurnýjaður.
Sögusagnir hafa einnig blómstrað um að Valtteri Bottas, ökumaður Williams liðsins sé á óskalista Ferrari. Meira að segja hefur heyrst að Ferrari vilji borga Williams til að losa Bottas undan samningi sem bindur hann út næsta tímabil.
Arrivabene segir marga ökumenn hafa leitað til sín með von um að krækja í sæti Raikkonen. Bottas er á þeim lista samkvæmt Ítalanum.
„Ferrari bíllinn er sá sem alla dreymir um að aka, en það eru aðeins tvö sæti og bæði eru full,“ sagði Arrivabene.
Arrivabene: Bottas meðal margra sem hafa haft samband
Tengdar fréttir
Sjáðu ógöngur Raikkonen og Alonso og allt það helsta í austurríska kappakstrinum
Nico Rosberg á Mercedes kom fyrstur í mark í austurríska kappaksturinn, en liðsfélagi hans Lewis Hamilton varð annar.
Mercedes fljótastir og McLaren áreiðanlegir
Nico Rosberg ók Mercedes bíl sínum hraðast allra á seinni æfingadegi Formúlu 1 á Red Bull Ring í Austurríki í gær. Pascal Wehrlein ók hraðast fyrir Mercedes á þriðjudag. McLaren rauf 100 hringja múrinn.
Bílskúrinn: Allt markvert frá Austurríki
Nico Rosberg bítur frá sér, nælir í 25 stig og gerir það með glans. Kimi Raikkonen verður undir Fernando Alonso, Williams stelur verðlaunum af Ferrari.
Hamilton vill að allir aðrir en Rosberg vinni keppnir
Lewis Hamilton hefur viðurkennt að hann vilji frekar sjá ökumenn annarra liða vinna keppnir en liðsfélaga sinn hjá Mercedes, Nico Rosberg.
Massa: Mikilvægt að setja pressu á Ferrari
Felipe Massa annar ökumanna Williams liðsins í Formúlu 1 segir að það sé mikilvægt fyrir liðið að setja pressu á Ferrari í nánustu framtíð.
