Þróttur aftur á sigurbraut

Þróttur vann mikilvægan sigur á Fjarðabyggð í toppbaráttu fyrstu deildar karla í dag, en leikið var á gervigrasvellinum í Laugardal. Lokatölur urðu 2-1.

Hlynur Hauksson kom Þrótti yfir með þrumuskoti eftir laglegt spil og staðan varð 2-0 fyrir Þrótt eftir ótrúlegt sjálfsmark Bjarna Marks Antonssonar á 25. mínútu.

Brynjar Jónasson minnkaði muninn tveimur mínútum fyrir leikslok fyrir Fjarðabyggð, en nær komust þeir ekki og lokatölur 2-1 sigur Þróttara.

Með sigrinum eru þeir á toppnum með 21 stig, en Fjarðabyggð er í því þriðja með fimmtán.

Þróttur R. - Fjarðabyggð 2-1

1-0 Hlynur Hauksson (16.), 2-0 Bjarni Mark Antonsson (25.), 2-1 Brynjar Jónasson (88.).