Heiða og Ólafía Þórunn mætast í úrslitunum hjá konunum

Heiða Guðnadóttir úr GM og Ólafía Þórunn Kristinsdóttir úr GR mætast í úrslitum kvenna á Íslandsmótinu í holukeppni sem fer fram um helgina á Jaðarsvelli á Akureyri.

Heiða tryggði sér sæti í úrslitunum með því að vinna Signýju Arnórsdóttir úr GK 2/1 en Heiða tryggði sér sigurinn á sautjándu holunni. Heiða endaði í þriðja sæti í holukeppninni í fyrra.

Ólafía Þórunn Kristinsdóttir vann í bráðabana á móti Önnu Sólveigu Snorradóttur úr GK en úrslitin réðust ekki fyrr en á tuttugustu holu.

Heiða hefur aldrei unnið Íslandsmótið í holukeppni en Ólafía Þórunn á möguleika á því að vinna í þriðja sinn.

Anna Sólveig Snorradóttir mætir Signýju Arnórsdóttir í uppgjör tveggja Keiliskvenna um þriðja sætið á mótinu.

Tweets by @Golfsamband