Sumarlífið: Folfarar spiluðu í fyrsta skipti með forgjöf

Frisbígolf eða folf er almenningsíþrótt þar sem liðsheild er tekin fram yfir keppni og allir eru velkomnir. Að þessu komst Ósk Gunnarsdóttir þegar Sumarlífið tók púlsinn á stærsta frisbígolfmóti sumarsins – því eina þar sem notast er við forgjöf.

Það var vel tekið á móti Ósk þrátt fyrir að hún hafi ekki kunnað staf í reglum íþróttarinnar eins og sjá má í upphafi myndbandsins. Fimmtíu íslenskar konur sóttu námskeið hjá finnskri folfkonu sem er heimsþekkt í faginu í sumar en stelpur í folfi æfa saman einu sinni í viku og eru allar konur velkomnar.

Hér að ofan má sjá Ósk kynna sér íþróttina. Frisbígolf er blanda af frisbí og golfi og var íþróttin mótuð á áttunda áratug síðustu aldar.