Sjáðu mörkin úr toppslagnum í Ólafsvík

Víkingur Ólafsvík vann Þrótt í toppslag fyrstu deildar karla, 3-2, en leikið var í Ólafsvík í dag. Sigurmarkið kom undir leikslok, en dramatíkin var mikil.

Viktor Jónsson gerði tvö mörk fyrir Þrótt, en hann kom þeim yfir í upphafi leiks og jafnaði svo metin á 86. mínútu. Þá héldu flestir að leikurinn myndi enda 2-2.

William Dominguez da Silva var ekki á sama máli, en hann skoraði annað mark sitt og þriðja mark Ólsara á lokamínútu síðari hálfleiks. Lokatölur 3-2 mikilvægur sigur Víkinga.

Víkingur er á toppnum eftir sigurinn með 35 stig, en Þróttur er sæti neðar með tveimur stigum minna.

Mörkin úr leiknum má sjá hér.