Ráðgátan leyst: Lars segir frá því hver átti hugmyndina að fá hann til Íslands Kjartan Atli Kjartansson skrifar 8. september 2015 15:15 Lars Lagerbäck horfir til Frakklands. Vísir/Anton Brink Mikið hefur verið rætt um ráðningarferlið; þegar Lars Lagerbäck var ráðinn landsliðsþjálfari og hver átti hugmyndina að því. Lars Lägerbeck hefur nú leyst ráðgátuna í samtali við fréttastofu 365 og segir Sigurð Ragnar Eyjólfsson, fyrrum landsliðsþjálfara kvennalandsliðsins og yfirmaður menntunarmála hjá KSÍ, hafa fyrstan viðrað hugmyndina að því að Lars yrði landsliðsþjálfari Íslands. „Ég hef þekkt Sigga í mörg ár, í gegnum þjálfaramenntun, setið mörg námskeið með honum. Ég man að við ræddum um þetta haustið 2011. Ég man eftir því að við töluðum saman um þetta [að taka við liðinu]. En síðan heyrði ég ekki í neinum þar til að Geir [Þorsteinsson, formaður KSÍ] hringdi í mig eitthvað síðar,“ útskýrir Lars. Margir hafa stigið fram að undanförnu og sagst hafa átt hugmyndina að því að Lars tæki við landsliðinu. Blaðamaðurinn Henry Birgir Gunnarsson endurbirti á Facebook-síðu sinni viðtal sem hann tók við Lars fyrir Fréttablaðið, frá 8. september 2011. Þá sagði Lars meðal annars: „Ég fæ reglulega fyrirspurnir um hvort ég hafi áhuga á hinum og þessum störfum. Ég hef alltaf sagt að ef eitthvað áhugavert komi upp þá sé ég tilbúinn að skoða málið. Starf landsliðsþjálfara Íslands er áhugavert og ef KSÍ hefur áhuga og vill ræða við mig þá er ég til í viðræður.“Geir Þorsteinsson, formaður KSÍ.Kolbeinn Tumi Daðason, aðstoðarritstjóri 365 miðla, benti einnig á viðtal sem hann tók við Lars í janúar 2010 á vefnum Sammarinn.com. Þá hafði Lars hætt þjálfun sænska landsliðsins, en tók skömmu síðar við því nígeríska. Í viðtalinu var Lars spurður hvort það kæmi til greina að hann þjálfaði íslenska landsliðið, og svaraði Lars því á einfaldan hátt: „Ekki spurning!“ Þó mátti greina augljóst grín í skrifum þeirra Tuma og Henrys á Facebook, um málið. Sigurður Ragnar Eyjólfsson steig svo fram, á sunnudagskvöldið þegar Ísland tryggði sér sæti í lokakeppni EM og sagðist hafa átt hugmyndina að ráðningu Lars. Þá var Knattspyrnusamband Íslands í viðræðum við Roy Keane og þurfti Sigurður Ragnar að sannfæra stjórnina að Lars væri rétti maðurinn í starfði. „Ég þurfti því að fylgja þessu máli hratt eftir þar sem KSÍ var komið í viðræður við Roy Keane og sannfæra stjórnendur KSÍ um að Lars væri betri kostur. Að lokum tóku Geir og Þórir auðvitað lokaákvörðunina og hún var að sjálfsögðu hárrétt og farsæl og þeim ber að hrósa fyrir það. Engan veginn ætla ég að eigna mér þessar ákvarðanir, þær voru auðvitað Geirs og Þóris og stjórnenda KSÍ,“ skrifaði Sigurður Ragnar á Facebook-síðu sína. Geir Þorsteinsson var gestur í Akraborginni á X-inu í gær. Þar segist hann sjálfur hafa átt hugmyndina að því að fá Lars til landsliðsins. „Það kom mér á óvart að hann skildi hætta með Svíana og þá kom þessi hugmynd upp í kollinn að þarna gæti kannski verið möguleiki ef það væri innan þess fjárhagsramma sem við gætum teygt okkur í,“ sagði hann og bætti við: „Ég meina ég þekkti manninn og vissi eftir hverju var að sækja.“ Fyrir þá sem vilja glöggva sig frekar á málinu, er gott að benda á úttekt Nútímans á málinu.Einnig má benda á tíst Þorsteins Gunnarssonar, fyrrum formanns knattspyrnudeildar Grindavíkur. Á Twitter birti hann tölvupóst sem hann sendi á Geir Þorsteinsson, formann KSÍ, haustið 2011:Allir vildi Lilju kveðið hafa. það var ekkert að þakka :) #fotboltinetpic.twitter.com/EHGKbVZFGs — Thorsteinn Gunnars (@thorsteinngu) September 8, 2015Sigurður Ragnar Eyjólfsson ræddi fyrstur við Lars.Mynd/ÍBVLars staðfestir í raun allt sem Sigurður Ragnar hafði að segja um málið. „Ég man ekki nákvæmlega hvað við Siggi ræddum um. Mig minnir að hann hafi spurt hvort ég hefði áhuga á þessu verkefni og hvort ég væri tilbúinn í það. Eitthvað í þá veru. Mig minnir að við höfum ekki farið í nein nákvæm smáatriði. Síðan leið einhver tími þar til að Geir hringdi í mig og spurði hvort ég hefði áhuga.“ Lars, sem staðfestir að hann hafi átt í viðræðum við nokkur önnur knattspyrnusambönd, segist ekki telja blaðaviðtölin við hann með í þessu ferli og hefur einfalda ástæðu fyrir því: „Nei, ég tel fjölmiðlana ekki með, því held að þeir geti ekki boðið manni þjálfarastarf,“ segir hann og brosir. EM 2016 í Frakklandi Mest lesið Auglýsir ólögleg veðmál: „Hryggir mig mjög að Kristófer fari þessa leið“ Körfubolti Kristófer fjarlægir sig frá Coolbet fjölskyldunni Körfubolti Ísland - Úkraína | Mikilvægasti leikurinn í riðlinum Fótbolti Miðasala á leik Íslands og Úkraínu hefst aftur í hádeginu í dag Fótbolti Engin hjartaaðgerð en smá magnyl skaðar ekki Fótbolti Ný upplifun fyrir strákana: „Líklega legið þungt á þeim“ Fótbolti Rúnar þakkar fyrir stuðning eftir mikið sjokk Fótbolti Lykilmenn fjarverandi hjá Úkraínu Fótbolti „Tímarnir hafa einfaldlega breyst“ hjá þýska landsliðinu Fótbolti Handboltinn í fyrsta sæti en tilbiður enn listagyðjuna Handbolti Fleiri fréttir Skoraði sigurmarkið gegn Liverpool og svo tvö fyrir landsliðið Ísland - Úkraína | Mikilvægasti leikurinn í riðlinum Haaland og Glasner bestir í september Lykilmenn fjarverandi hjá Úkraínu „Tímarnir hafa einfaldlega breyst“ hjá þýska landsliðinu Ný upplifun fyrir strákana: „Líklega legið þungt á þeim“ „Þetta er mikilvægasti leikurinn í riðlinum“ Isak segist vera tilbúinn í níutíu mínútur Miðasala á leik Íslands og Úkraínu hefst aftur í hádeginu í dag Hallgrímur framlengir við KA Mbappé nýtur betur lífsins í Madrid: „Þetta er ekki árás á Frakkland“ Fæddist með gat á hjartanu Engin hjartaaðgerð en smá magnyl skaðar ekki Járngirðingar í kringum leikmannahótel Ísraela í Osló Kviknaði í húsi Vinícius Júnior Rúnar þakkar fyrir stuðning eftir mikið sjokk Tuchel með fast skot á stuðningsmenn: „Það var algjör þögn á leikvangnum“ Fram gæti orðið stórveldi í íslenskri kvennaknattspyrnu innan örfárra ára Höjlund sjóðheitur og Danir færðust nær HM Alsír tuttugasta þjóðin inn á HM Uppgjörið: Þór/KA - Fram 1-1 | Ósáttir Akureyringar enduðu ofar Grétar Rafn gæti gert Gerrard að stjóra Rangers Barcelona spilar í Miami: „Ég er ekki hrifinn af þessu“ „Ætti að bera meiri virðingu fyrir peningunum sem hann þénar“ Svakalega slysalegt klobbamark í undankeppni HM „Klúðraði þessum frægu vítum en er ógeðslega sterkur“ Arnari gekk illa að ná í þunna Víkinga „Getum eyðilagt drauma Úkraínu á morgun“ Svona var blaðamannafundur KSÍ fyrir leikinn gegn Úkraínu Gæti lamast eftir árekstur við auglýsingaskilti Sjá meira
Mikið hefur verið rætt um ráðningarferlið; þegar Lars Lagerbäck var ráðinn landsliðsþjálfari og hver átti hugmyndina að því. Lars Lägerbeck hefur nú leyst ráðgátuna í samtali við fréttastofu 365 og segir Sigurð Ragnar Eyjólfsson, fyrrum landsliðsþjálfara kvennalandsliðsins og yfirmaður menntunarmála hjá KSÍ, hafa fyrstan viðrað hugmyndina að því að Lars yrði landsliðsþjálfari Íslands. „Ég hef þekkt Sigga í mörg ár, í gegnum þjálfaramenntun, setið mörg námskeið með honum. Ég man að við ræddum um þetta haustið 2011. Ég man eftir því að við töluðum saman um þetta [að taka við liðinu]. En síðan heyrði ég ekki í neinum þar til að Geir [Þorsteinsson, formaður KSÍ] hringdi í mig eitthvað síðar,“ útskýrir Lars. Margir hafa stigið fram að undanförnu og sagst hafa átt hugmyndina að því að Lars tæki við landsliðinu. Blaðamaðurinn Henry Birgir Gunnarsson endurbirti á Facebook-síðu sinni viðtal sem hann tók við Lars fyrir Fréttablaðið, frá 8. september 2011. Þá sagði Lars meðal annars: „Ég fæ reglulega fyrirspurnir um hvort ég hafi áhuga á hinum og þessum störfum. Ég hef alltaf sagt að ef eitthvað áhugavert komi upp þá sé ég tilbúinn að skoða málið. Starf landsliðsþjálfara Íslands er áhugavert og ef KSÍ hefur áhuga og vill ræða við mig þá er ég til í viðræður.“Geir Þorsteinsson, formaður KSÍ.Kolbeinn Tumi Daðason, aðstoðarritstjóri 365 miðla, benti einnig á viðtal sem hann tók við Lars í janúar 2010 á vefnum Sammarinn.com. Þá hafði Lars hætt þjálfun sænska landsliðsins, en tók skömmu síðar við því nígeríska. Í viðtalinu var Lars spurður hvort það kæmi til greina að hann þjálfaði íslenska landsliðið, og svaraði Lars því á einfaldan hátt: „Ekki spurning!“ Þó mátti greina augljóst grín í skrifum þeirra Tuma og Henrys á Facebook, um málið. Sigurður Ragnar Eyjólfsson steig svo fram, á sunnudagskvöldið þegar Ísland tryggði sér sæti í lokakeppni EM og sagðist hafa átt hugmyndina að ráðningu Lars. Þá var Knattspyrnusamband Íslands í viðræðum við Roy Keane og þurfti Sigurður Ragnar að sannfæra stjórnina að Lars væri rétti maðurinn í starfði. „Ég þurfti því að fylgja þessu máli hratt eftir þar sem KSÍ var komið í viðræður við Roy Keane og sannfæra stjórnendur KSÍ um að Lars væri betri kostur. Að lokum tóku Geir og Þórir auðvitað lokaákvörðunina og hún var að sjálfsögðu hárrétt og farsæl og þeim ber að hrósa fyrir það. Engan veginn ætla ég að eigna mér þessar ákvarðanir, þær voru auðvitað Geirs og Þóris og stjórnenda KSÍ,“ skrifaði Sigurður Ragnar á Facebook-síðu sína. Geir Þorsteinsson var gestur í Akraborginni á X-inu í gær. Þar segist hann sjálfur hafa átt hugmyndina að því að fá Lars til landsliðsins. „Það kom mér á óvart að hann skildi hætta með Svíana og þá kom þessi hugmynd upp í kollinn að þarna gæti kannski verið möguleiki ef það væri innan þess fjárhagsramma sem við gætum teygt okkur í,“ sagði hann og bætti við: „Ég meina ég þekkti manninn og vissi eftir hverju var að sækja.“ Fyrir þá sem vilja glöggva sig frekar á málinu, er gott að benda á úttekt Nútímans á málinu.Einnig má benda á tíst Þorsteins Gunnarssonar, fyrrum formanns knattspyrnudeildar Grindavíkur. Á Twitter birti hann tölvupóst sem hann sendi á Geir Þorsteinsson, formann KSÍ, haustið 2011:Allir vildi Lilju kveðið hafa. það var ekkert að þakka :) #fotboltinetpic.twitter.com/EHGKbVZFGs — Thorsteinn Gunnars (@thorsteinngu) September 8, 2015Sigurður Ragnar Eyjólfsson ræddi fyrstur við Lars.Mynd/ÍBVLars staðfestir í raun allt sem Sigurður Ragnar hafði að segja um málið. „Ég man ekki nákvæmlega hvað við Siggi ræddum um. Mig minnir að hann hafi spurt hvort ég hefði áhuga á þessu verkefni og hvort ég væri tilbúinn í það. Eitthvað í þá veru. Mig minnir að við höfum ekki farið í nein nákvæm smáatriði. Síðan leið einhver tími þar til að Geir hringdi í mig og spurði hvort ég hefði áhuga.“ Lars, sem staðfestir að hann hafi átt í viðræðum við nokkur önnur knattspyrnusambönd, segist ekki telja blaðaviðtölin við hann með í þessu ferli og hefur einfalda ástæðu fyrir því: „Nei, ég tel fjölmiðlana ekki með, því held að þeir geti ekki boðið manni þjálfarastarf,“ segir hann og brosir.
EM 2016 í Frakklandi Mest lesið Auglýsir ólögleg veðmál: „Hryggir mig mjög að Kristófer fari þessa leið“ Körfubolti Kristófer fjarlægir sig frá Coolbet fjölskyldunni Körfubolti Ísland - Úkraína | Mikilvægasti leikurinn í riðlinum Fótbolti Miðasala á leik Íslands og Úkraínu hefst aftur í hádeginu í dag Fótbolti Engin hjartaaðgerð en smá magnyl skaðar ekki Fótbolti Ný upplifun fyrir strákana: „Líklega legið þungt á þeim“ Fótbolti Rúnar þakkar fyrir stuðning eftir mikið sjokk Fótbolti Lykilmenn fjarverandi hjá Úkraínu Fótbolti „Tímarnir hafa einfaldlega breyst“ hjá þýska landsliðinu Fótbolti Handboltinn í fyrsta sæti en tilbiður enn listagyðjuna Handbolti Fleiri fréttir Skoraði sigurmarkið gegn Liverpool og svo tvö fyrir landsliðið Ísland - Úkraína | Mikilvægasti leikurinn í riðlinum Haaland og Glasner bestir í september Lykilmenn fjarverandi hjá Úkraínu „Tímarnir hafa einfaldlega breyst“ hjá þýska landsliðinu Ný upplifun fyrir strákana: „Líklega legið þungt á þeim“ „Þetta er mikilvægasti leikurinn í riðlinum“ Isak segist vera tilbúinn í níutíu mínútur Miðasala á leik Íslands og Úkraínu hefst aftur í hádeginu í dag Hallgrímur framlengir við KA Mbappé nýtur betur lífsins í Madrid: „Þetta er ekki árás á Frakkland“ Fæddist með gat á hjartanu Engin hjartaaðgerð en smá magnyl skaðar ekki Járngirðingar í kringum leikmannahótel Ísraela í Osló Kviknaði í húsi Vinícius Júnior Rúnar þakkar fyrir stuðning eftir mikið sjokk Tuchel með fast skot á stuðningsmenn: „Það var algjör þögn á leikvangnum“ Fram gæti orðið stórveldi í íslenskri kvennaknattspyrnu innan örfárra ára Höjlund sjóðheitur og Danir færðust nær HM Alsír tuttugasta þjóðin inn á HM Uppgjörið: Þór/KA - Fram 1-1 | Ósáttir Akureyringar enduðu ofar Grétar Rafn gæti gert Gerrard að stjóra Rangers Barcelona spilar í Miami: „Ég er ekki hrifinn af þessu“ „Ætti að bera meiri virðingu fyrir peningunum sem hann þénar“ Svakalega slysalegt klobbamark í undankeppni HM „Klúðraði þessum frægu vítum en er ógeðslega sterkur“ Arnari gekk illa að ná í þunna Víkinga „Getum eyðilagt drauma Úkraínu á morgun“ Svona var blaðamannafundur KSÍ fyrir leikinn gegn Úkraínu Gæti lamast eftir árekstur við auglýsingaskilti Sjá meira