Óbreytt byrjunarlið gegn Kasakstan

Íslenska landsliðið í knattspyrnu teflir fram óbreyttu byrjunarliði frá 1-0 sigrinum á Hollandi á dögunum gegn Kasakstan í kvöld. Íslenska liðið þarf eitt stig til að gulltryggja sæti á lokakeppni EM í fyrsta sinn.

Þetta kemur fram á Fótbolti.net í kvöld en leikurinn hefst klukkan 18.45 á Laugardalsvelli.

Varnarlínan sem hefur staðið sig með prýði í undankeppninni hingað til og aðeins fengið á sig eitt mark er sú sama og fyrir aftan þá stendur Hannes Þór Halldórsson í markinu.

Á köntunum eru þeir Birkir Bjarnason og Jóhann Berg Guðmundsson og á miðjunni eru það Gylfi Þór Sigurðsson og Aron Einar Gunnarsson sem standa vaktina.

Jón Daði Böðvarsson heldur sætinu í byrjunarliði íslenska liðsins við hlið Kolbeins Sigþórssonar.

Byrjunarlið Íslands:

Hannes Þór Halldórsson

Birkir Már Sævarsson

Kári Árnason

Ragnar Sigurðsson

Ari Freyr Skúlason

Jóhann Berg Guðmundsson

Gylfi Þór Sigurðsson

Aron Einar Gunnarsson

Birkir Bjarnason

Jón Daði Böðvarsson

Kolbeinn Sigþórsson