Liburd til liðs við Game of Thrones

Breska leikkonan Melanie Liburd hefur bæst í hóp leikara sem taka nú þátt í upptökum á sjöttu þáttaröð Game of Thrones.

Hin 27 ára Liburd greindi frá þessu á Instagram-síðu sinni þar sem hún segist meira en lítið spennt og að með þessu sé draumur að rætast.

Liburd hefur áður leikið í þáttum á borð við The Grinder, Strike Back, Dracula og CSI: Crime Scene Investigation.

Deadline greinir frá því að Liburd verði í hlutverki rauðs prests og hafa verið uppi vangaveltur um hvort hún taki við hlutverki Melisandre sem Carice Van Houten hefur farið með eða hvort nýr prestur verði kynntur til sögunnar.

Huffington Post segir jafnframt frá því að aðdáendur hafa einnig velt því fyrir sér hvort þátttaka Liburd tengist á einhvern hátt mögulegri endurkomu Jon Snow í þættina.

Flying back to London then on to Spain to film Game Of Thrones. Holy *%#@ dreams actually do come true! I'm so excited I feel like jumping up and down!! #HBO #britactressinla #actress #fightforyourdreams #dreamjob #keeponkeepingon #neverstop #peaceout

A photo posted by Melanie Liburd (@mellyliburd) on Sep 27, 2015 at 5:38pm PDT