Myndband: Nico Rosberg um borð í nýja Mercedes bílnum

Mercedes liðið setti nýja Formúlu 1 bílinn sinn á braut í fyrsta skipti í gær. Hér má sjá myndband sem tekið var upp á myndavél á hjálmi Nico Rosberg, annars ökumanna liðsins.

Liðin mega aka 100 km undir því yfirskyni að um auglýsingaupptökur sé að ræða. Mercedes notaði daginn til að hrista bílinn saman.

Rosberg hóf daginn en Lewis Hamilton tók svo við. W07 bílnum er ætlað að tryggja Mercedes liðinu þriðja heimsmeistaratitil bílasmiða og ökumanna í röð.

Bíllinn mun ekki fara í gang aftur fyrr en á mánudag, þegar æfingar hefjast fyrir komandi tímabil. Í dag er sléttur mánuður þangað til fyrsta keppni tímabilsins fer fram í Ástralíu.

Hér fyrir neðan má sjá myndband af akstri bílsins.