Belgísk yfirvöld hafa ákært tvo til viðbótar fyrir aðild að hryðjuverkastarfsemi sem talin er tengjast árásunum í Brussel þann 22. mars. Alls hafa átta verið ákærðir í tengslum við árásirnar.
Í árásunum létust 32 manns, 16 á Malbeek-lestarstöðunni og 16 á flugvellinum í Brussel.
Samkvæmt saksóknara í Belgíu, er talið að þeir grunuðu, Smail F og Ibrahim F, hafi staðið að því að leigja íbúð í Etterbeek-hverfinu í Brussel. Íbúðin er talin hafa verið fylgsni fyrir hryðjuverkamanninn sem að sprengdi sig í loft upp á Maelbeek-lestarstöðinni og vitorðsmanns hans.
Smail F, sem fæddur er árið 1984 og Ibrahim F, fjórum árum yngri, hafa verið úrskurðaðir í gæsluvarðhald, grunaðir um þátttöku í hryðjuverkasamtökum, hryðjuverkaárás og tilraun til hryðjuverkaárásar sem gerendur, samverkamenn og eða hlutdeildarmenn.
Tveir ákærðir í Belgíu vegna hryðjuverka
Tengdar fréttir
Hópurinn ætlaði upphaflega að gera aðra árás í París
Breyttu áætlum sínum eftir að Salah Abdeslam var handtekinn.
Fjórir ákærðir í tengslum við árásirnar í Brussel
Alls hafa sex verið ákærðir vegna árásanna.
Ætluðu að framkvæma hryðjuverk á EM í Frakklandi
Hópur hryðjuverkamannanna sem frömdu voðaverkin í París og Brussel voru með augun á EM í knattspyrnu.
Abrini viðurkennir að vera maðurinn með hattinn
"Hann sagðist hafa hent jakkanum sínum í ruslafötu og selt hattinn sinn eftir árásina.“
