Bjarni skipar stjórn Lindarhvols

Bjarni Benediktsson, fjármála- og efnahagsráðherra, hefur stofnað félagið Lindarhvol ehf. til að halda utan um þær eignir sem ríkið eignast vegna stöðugleikaframlaga.

Ráðherra ákvað að skipa í stjórnina þau Þórhall Arason, skrifstofustjóra í fjármála- og efnahagsráðuneyti og staðgengil ráðuneytisstjóra, Hauk C. Benediktsson, forstöðumann Eignasafns Seðlabanka Íslands, og Áslaugu Árnadóttur lögfræðing.

Varamenn eru Esther Finnbogadóttir, sérfræðingur í fjármála- og efnahagsráðuneytinu, og Sigurbjörn Einarsson, viðskiptafræðingur. Í tilkynningu á vef fjármála- og efnahagsráðuneytisins segir að Áslaug Árnadóttir hafi sagt sig frá stjórnarstörfum vegna mögulegs vanhæfis og ekki tekið þátt í störfum stjórnar.