Góð afsökun til að koma heim til Íslands Óskar Ófeigur Jónsson skrifar 21. apríl 2016 07:00 Hrafnhildur í lauginni. Vísir/Getty Íslandsmótið í sundi fer fram um helgina og einn af farfuglunum okkar er kominn heim til að sýna sig og sjá aðra. Hrafnhildur Lúthersdóttir stundar æfingar í Bandaríkjunum og er á fullu að undirbúa sig fyrir Ólympíuleikana í haust. Hún gaf sér samt tíma til að keppa á ÍM. „Það er bara góð staða á mér en ég er auðvitað smá þreytt eftir að vera nýkomin úr flugi,“ segir Hrafnhildur þegar Fréttablaðið nær í hana en þá var hún á leiðinni á æfingu í Hafnarfirði og hélt svo erindi seinna um kvöldið um reynslu sína af því að æfa sund og stunda nám í háskóla í Bandaríkjunum. Það var fullt út úr dyrum og mikið spurt. Besta sem hefur komið fyrir „Ég var bara að kynna fyrir fólki hvernig það er að vera þarna úti og hvað þetta er frábært tækifæri og gaman. Ég mæli hundrað prósent með þessu því þetta er það besta sem hefur komið fyrir mig,“ segir Hrafnhildur en hvernig kom til að hún hélt þennan fyrirlestur með Ingibjörgu Kristínu Jónsdóttur? „Ég hef oft fengið spurningar um hvernig ferlið sé þarna úti, hvernig æfingar séu og hitt og þetta. Þjálfarar, krakkar og foreldrar hafa verið að spyrja mömmu mína um þetta þannig að ég sló til. Ég spurði Ingibjörgu hvort hún væri ekki til í að gera þetta með mér og hún sagðist hafa verið að pæla í þessu líka,“ segir Hrafnhildur en reynsla þeirra er ólík en báðar eru á því að þetta sé frábær upplifun. Hrafnhildur útskrifaðist sem almannatengill í desember. „Það er líka það frábæra við þetta að við fáum svo góða menntun með þessu. Við fáum flott tækifæri til að púsla þessu öllu saman án þess að vera með eitthvert vesen.“Æðislegt að fá þetta tækifæri Hrafnhildur hefur verið á fleygiferð út um allan heim þann tíma sem hún hefur verið í námi í Bandaríkjunum enda mikið af mótum á Íslandi og annars staðar. „Það er æðislegt að fá tækifæri til að gera þetta allt. Ég tók eitthvert próf um daginn og þá fékk ég að vita að ég væri búin að fara til 23 prósenta af heiminum. Það held ég að sé mjög gott,“ segir hún. Hrafnhildur er á leiðinni á Ólympíuleikana í Ríó í ágúst og allt æfingaplan hennar miðast nú við það. „Þegar ég er að keppa þá er ég ekki að hvíla eins mikið því að ég veit að ég er með eitt stórt mót í vændum sem ég þarf að hvíla mest fyrir. Ég er búin að æfa miklu meira og er að reyna að bæta alla hluti sem ég get,“ segir Hrafnhildur en frábært ár gefur henni enn meira sjálfstraust.VísirSkýrari markmið og meiri trú „Núna er maður með miklu skýrari markmið og trúir því miklu meira að maður komist lengra. Ég trúði því áður en núna sé ég að ég er búin að gera þetta. Þá er þetta miklu nær manni. Það fylgir þessu góða ári líka pressan á það að maður verði að standa sig jafn vel, ef ekki betur, en í fyrra,“ segir Hrafnhildur. Hún hefur farið á flest stórmót og komst í úrslit í tveimur greinum á heimsmeistaramótinu í fyrra. „Því fleiri stórmót sem maður fer á, því meira lærir maður. Maður lærir hvernig maður á að haga sér og hvernig maður á að gera þetta. Það þarf að læra að loka alla hina úti og einbeita sér að sjálfum sér,“ segir hún. Hrafnhildur hefur verið í Bandaríkjunum við æfingar en eins og oft áður gaf hún sér tíma til að koma heim til að keppa á ÍM um komandi helgi. „Ég reyni að koma heim eins og ég get. Ég vil minna fólk á það að ég sé ennþá að synda og ég er náttúrulega ennþá Íslendingur þrátt fyrir allt,“ segir Hrafnhildur. Hún fær að skjótast heim til Íslands til að keppa á mótum og það metur hún mikils. „Það er líka alltaf gott að koma heim enda er þetta góð afsökun til að fara heim,“ segir Hrafnhildur.Bara nokkrir dagar á Íslandi Hrafnhildur fær bara nokkra daga á Íslandi áður en hún fer aftur út til Flórída en kemur síðan til Evrópu til að keppa á Evrópumótinu í London í maí. „Ég ætla að nota það sem eins konar æfingamót fyrir Ólympíuleikana. Ég hvíli eitthvað smá fyrir það til þess að geta séð hvar ég stend svo ég fari ekki alveg blind til Ríó. Ég er mjög spennt að sjá hvernig það fer,“ segir Hrafnhildur sem æfir á fullu þessa dagana og nýtur þess að þurfa ekki að hafa áhyggjur af lágmörkum. „Það eru sumir búnir að ná en aðrir ekki. Maður tekur eftir stressinu og þá finnur ég hvað er gott að vera búin að þessu og geta aðeins slakað í þegar kemur að slíkum áhyggjum,“ segir Hrafnhildur. Ólympíuleikar 2016 í Ríó Sund Mest lesið Auglýsir ólögleg veðmál: „Hryggir mig mjög að Kristófer fari þessa leið“ Körfubolti Miðasala á leik Íslands og Úkraínu hefst aftur í hádeginu í dag Fótbolti Engin hjartaaðgerð en smá magnyl skaðar ekki Fótbolti Kristófer fjarlægir sig frá Coolbet fjölskyldunni Körfubolti Rúnar þakkar fyrir stuðning eftir mikið sjokk Fótbolti Ný upplifun fyrir strákana: „Líklega legið þungt á þeim“ Fótbolti Handboltinn í fyrsta sæti en tilbiður enn listagyðjuna Handbolti Handtekinn eftir að hann fannst sofandi í bíl í miðri umferð Körfubolti Lykilmenn fjarverandi hjá Úkraínu Fótbolti Járngirðingar í kringum leikmannahótel Ísraela í Osló Fótbolti Fleiri fréttir Kristófer fjarlægir sig frá Coolbet fjölskyldunni Lykilmenn fjarverandi hjá Úkraínu „Tímarnir hafa einfaldlega breyst“ hjá þýska landsliðinu „Þetta er gjörsamlega galið“ Ný upplifun fyrir strákana: „Líklega legið þungt á þeim“ Handboltinn í fyrsta sæti en tilbiður enn listagyðjuna Hafa tekið U-beygju með Hauka-Kanann sem þær ráku nánast í upphitunarþættinum „Þetta er mikilvægasti leikurinn í riðlinum“ Lárus í vinnu hjá danska landsliðinu Isak segist vera tilbúinn í níutíu mínútur Draumadeildin staðið undir væntingum Miðasala á leik Íslands og Úkraínu hefst aftur í hádeginu í dag LeBron missir af fyrsta leik í fyrsta sinn á ferlinum Hallgrímur framlengir við KA Mbappé nýtur betur lífsins í Madrid: „Þetta er ekki árás á Frakkland“ Fæddist með gat á hjartanu Engin hjartaaðgerð en smá magnyl skaðar ekki Járngirðingar í kringum leikmannahótel Ísraela í Osló Kviknaði í húsi Vinícius Júnior Auglýsir ólögleg veðmál: „Hryggir mig mjög að Kristófer fari þessa leið“ Handtekinn eftir að hann fannst sofandi í bíl í miðri umferð Dagskráin í dag: Tekur Ísland stórt skref í átt að HM? Rúnar þakkar fyrir stuðning eftir mikið sjokk Tuchel með fast skot á stuðningsmenn: „Það var algjör þögn á leikvangnum“ Leyfðum okkur hluti sem að við höfum ekki verið að gera „Mjög stoltur af liðinu“ Háspenna þegar Selfoss fékk sín fyrstu stig Uppgjörið: Ármann - KR 89-115 | Brött brekka í fyrsta heimaleiknum í efstu deild í 44 ár Fram gæti orðið stórveldi í íslenskri kvennaknattspyrnu innan örfárra ára „Dregur aðeins af þeim en við getum gefið meira í“ Sjá meira
Íslandsmótið í sundi fer fram um helgina og einn af farfuglunum okkar er kominn heim til að sýna sig og sjá aðra. Hrafnhildur Lúthersdóttir stundar æfingar í Bandaríkjunum og er á fullu að undirbúa sig fyrir Ólympíuleikana í haust. Hún gaf sér samt tíma til að keppa á ÍM. „Það er bara góð staða á mér en ég er auðvitað smá þreytt eftir að vera nýkomin úr flugi,“ segir Hrafnhildur þegar Fréttablaðið nær í hana en þá var hún á leiðinni á æfingu í Hafnarfirði og hélt svo erindi seinna um kvöldið um reynslu sína af því að æfa sund og stunda nám í háskóla í Bandaríkjunum. Það var fullt út úr dyrum og mikið spurt. Besta sem hefur komið fyrir „Ég var bara að kynna fyrir fólki hvernig það er að vera þarna úti og hvað þetta er frábært tækifæri og gaman. Ég mæli hundrað prósent með þessu því þetta er það besta sem hefur komið fyrir mig,“ segir Hrafnhildur en hvernig kom til að hún hélt þennan fyrirlestur með Ingibjörgu Kristínu Jónsdóttur? „Ég hef oft fengið spurningar um hvernig ferlið sé þarna úti, hvernig æfingar séu og hitt og þetta. Þjálfarar, krakkar og foreldrar hafa verið að spyrja mömmu mína um þetta þannig að ég sló til. Ég spurði Ingibjörgu hvort hún væri ekki til í að gera þetta með mér og hún sagðist hafa verið að pæla í þessu líka,“ segir Hrafnhildur en reynsla þeirra er ólík en báðar eru á því að þetta sé frábær upplifun. Hrafnhildur útskrifaðist sem almannatengill í desember. „Það er líka það frábæra við þetta að við fáum svo góða menntun með þessu. Við fáum flott tækifæri til að púsla þessu öllu saman án þess að vera með eitthvert vesen.“Æðislegt að fá þetta tækifæri Hrafnhildur hefur verið á fleygiferð út um allan heim þann tíma sem hún hefur verið í námi í Bandaríkjunum enda mikið af mótum á Íslandi og annars staðar. „Það er æðislegt að fá tækifæri til að gera þetta allt. Ég tók eitthvert próf um daginn og þá fékk ég að vita að ég væri búin að fara til 23 prósenta af heiminum. Það held ég að sé mjög gott,“ segir hún. Hrafnhildur er á leiðinni á Ólympíuleikana í Ríó í ágúst og allt æfingaplan hennar miðast nú við það. „Þegar ég er að keppa þá er ég ekki að hvíla eins mikið því að ég veit að ég er með eitt stórt mót í vændum sem ég þarf að hvíla mest fyrir. Ég er búin að æfa miklu meira og er að reyna að bæta alla hluti sem ég get,“ segir Hrafnhildur en frábært ár gefur henni enn meira sjálfstraust.VísirSkýrari markmið og meiri trú „Núna er maður með miklu skýrari markmið og trúir því miklu meira að maður komist lengra. Ég trúði því áður en núna sé ég að ég er búin að gera þetta. Þá er þetta miklu nær manni. Það fylgir þessu góða ári líka pressan á það að maður verði að standa sig jafn vel, ef ekki betur, en í fyrra,“ segir Hrafnhildur. Hún hefur farið á flest stórmót og komst í úrslit í tveimur greinum á heimsmeistaramótinu í fyrra. „Því fleiri stórmót sem maður fer á, því meira lærir maður. Maður lærir hvernig maður á að haga sér og hvernig maður á að gera þetta. Það þarf að læra að loka alla hina úti og einbeita sér að sjálfum sér,“ segir hún. Hrafnhildur hefur verið í Bandaríkjunum við æfingar en eins og oft áður gaf hún sér tíma til að koma heim til að keppa á ÍM um komandi helgi. „Ég reyni að koma heim eins og ég get. Ég vil minna fólk á það að ég sé ennþá að synda og ég er náttúrulega ennþá Íslendingur þrátt fyrir allt,“ segir Hrafnhildur. Hún fær að skjótast heim til Íslands til að keppa á mótum og það metur hún mikils. „Það er líka alltaf gott að koma heim enda er þetta góð afsökun til að fara heim,“ segir Hrafnhildur.Bara nokkrir dagar á Íslandi Hrafnhildur fær bara nokkra daga á Íslandi áður en hún fer aftur út til Flórída en kemur síðan til Evrópu til að keppa á Evrópumótinu í London í maí. „Ég ætla að nota það sem eins konar æfingamót fyrir Ólympíuleikana. Ég hvíli eitthvað smá fyrir það til þess að geta séð hvar ég stend svo ég fari ekki alveg blind til Ríó. Ég er mjög spennt að sjá hvernig það fer,“ segir Hrafnhildur sem æfir á fullu þessa dagana og nýtur þess að þurfa ekki að hafa áhyggjur af lágmörkum. „Það eru sumir búnir að ná en aðrir ekki. Maður tekur eftir stressinu og þá finnur ég hvað er gott að vera búin að þessu og geta aðeins slakað í þegar kemur að slíkum áhyggjum,“ segir Hrafnhildur.
Ólympíuleikar 2016 í Ríó Sund Mest lesið Auglýsir ólögleg veðmál: „Hryggir mig mjög að Kristófer fari þessa leið“ Körfubolti Miðasala á leik Íslands og Úkraínu hefst aftur í hádeginu í dag Fótbolti Engin hjartaaðgerð en smá magnyl skaðar ekki Fótbolti Kristófer fjarlægir sig frá Coolbet fjölskyldunni Körfubolti Rúnar þakkar fyrir stuðning eftir mikið sjokk Fótbolti Ný upplifun fyrir strákana: „Líklega legið þungt á þeim“ Fótbolti Handboltinn í fyrsta sæti en tilbiður enn listagyðjuna Handbolti Handtekinn eftir að hann fannst sofandi í bíl í miðri umferð Körfubolti Lykilmenn fjarverandi hjá Úkraínu Fótbolti Járngirðingar í kringum leikmannahótel Ísraela í Osló Fótbolti Fleiri fréttir Kristófer fjarlægir sig frá Coolbet fjölskyldunni Lykilmenn fjarverandi hjá Úkraínu „Tímarnir hafa einfaldlega breyst“ hjá þýska landsliðinu „Þetta er gjörsamlega galið“ Ný upplifun fyrir strákana: „Líklega legið þungt á þeim“ Handboltinn í fyrsta sæti en tilbiður enn listagyðjuna Hafa tekið U-beygju með Hauka-Kanann sem þær ráku nánast í upphitunarþættinum „Þetta er mikilvægasti leikurinn í riðlinum“ Lárus í vinnu hjá danska landsliðinu Isak segist vera tilbúinn í níutíu mínútur Draumadeildin staðið undir væntingum Miðasala á leik Íslands og Úkraínu hefst aftur í hádeginu í dag LeBron missir af fyrsta leik í fyrsta sinn á ferlinum Hallgrímur framlengir við KA Mbappé nýtur betur lífsins í Madrid: „Þetta er ekki árás á Frakkland“ Fæddist með gat á hjartanu Engin hjartaaðgerð en smá magnyl skaðar ekki Járngirðingar í kringum leikmannahótel Ísraela í Osló Kviknaði í húsi Vinícius Júnior Auglýsir ólögleg veðmál: „Hryggir mig mjög að Kristófer fari þessa leið“ Handtekinn eftir að hann fannst sofandi í bíl í miðri umferð Dagskráin í dag: Tekur Ísland stórt skref í átt að HM? Rúnar þakkar fyrir stuðning eftir mikið sjokk Tuchel með fast skot á stuðningsmenn: „Það var algjör þögn á leikvangnum“ Leyfðum okkur hluti sem að við höfum ekki verið að gera „Mjög stoltur af liðinu“ Háspenna þegar Selfoss fékk sín fyrstu stig Uppgjörið: Ármann - KR 89-115 | Brött brekka í fyrsta heimaleiknum í efstu deild í 44 ár Fram gæti orðið stórveldi í íslenskri kvennaknattspyrnu innan örfárra ára „Dregur aðeins af þeim en við getum gefið meira í“ Sjá meira