Lewis Hamilton segir að loftið sé hreint eftir samræður við liðsfélaga sinn, Nico Rosberg. Ætla má að mikil spenna hafi skapast á milli ökumannanna eftir árekstur þeirra í spænska kappakstrinum.
Áreksturinn á Spáni batt enda á keppni beggja öumanna. Áreksturinn olli því að Kimi Raikkonen er nú kominn á milli þeirra í heimsmeistarakeppni ökumanna sem Rosberg leiðir.
Mercedes ökumennirnir lentu síðast í keppnis endandi árekstri á Spa í Belgíu árið 2014. Þá fór baráttan á milli þeirra í kjölfarið meira fram í fjölmiðlum. Hins vegar hefur Mercedes tekist að halda spennunni innan herbúða sinna og að miklu leyti fyrir utan fjölmiðla í þetta skipti.
Hamilton telur að ástæða þess að spennan á milli þeirra Rosberg hafi ekki sprungið út í fjölmiðlum sé aukinn þroski beggja ökumanna.
„Ég held að það sé vegna þess að við Nico höfum þroskast. Við töluðum saman í dag. Í fortíðinni hefðum við sýnt illindi en samræðurnar fóru fram af gagnkvæmri virðingu í dag,“ sagði Hamilton.
Mónakó kappaksturinn fer fram um helgina þar má ætla að yfirburðir Mercedes verði minni en ella. Brautin í Mónakó reynir meira á undirvagn bílanna en vél þeirra. Red Bull ætti því að geta laumast nærri Mercedes, enda af mörgum talið það lið sem er með sterkasta undirvagninn.
Hamilton og Rosberg hreinsa loftið
Tengdar fréttir
Kvyat: Ég hefði náð í fleiri stig en Ricciardo
Daniil Kvyat telur að hann hefði haft betur í baráttunni við fyrrum liðsfélaga sinn, Daniel Ricciardo ef hann hefði fengið að klára tímabilið hjá Red Bull.
Lauda: Þetta var Lewis að kenna að mínu mati
Max Verstappen hjá Red Bull vann sína fyrstu keppni í dag. Keppnin var einnig hans fyrsta fyrir Red Bull eftir að hann fékk sæti Daniil Kvyat upp í hendurnar. Verstappen er yngsti ökumaðurinn til að vinna Formúlu 1 keppni. Hver sagði hvað eftir ótrúlega keppni?
Max Verstappen sá yngsti frá upphafi | Sjáðu allan þáttinn
Rúnar Jónsson og Kristján Einar Kristjánsson gera upp helstu atriði spænska kappakstursins. Keppnin var viðburðarík og spennandi frá upphafi til enda.
Hamilton og Rosberg klesstu á hvorn annan á fyrsta hring og eru úr leik | Myndband
Lewis Hamilton og Nico Rosberg lentu saman snemma á fyrsta hring. Áreksturinn batt enda á keppni beggja ökumanna. Myndband í fréttinni.
Dennis: Það verður McLaren sem veltir Mercedes úr sessi
McLaren mun vinna heimsmeistarakeppni bílasmiða áður en einhverjum öðrum keppinauti Mercedes mun takast það, samkvæmt framkvæmdastjóra McLaren, Ron Dennis.
