Svakalegt olnbogaskot í 2. deildinni | Myndband

Vincent Broderick Steigerwald, leikmaður Vestra, slapp heldur með skrekkinn í leik liðsins gegn Ægi í 2. deild karla í fótbolta á laugardaginn.

Steigerwald gaf einum leikmanni Ægis svakalega ljótt olnbogaskot í miðjum leik eftir um 30 mínútur en Ægismenn komust yfir skömmu áður.

Dómari leiksins tók ekki eftir atvikinu frekar en línuverðirnir og komst Steigerwald því upp með olnbogaskotið sem hefði annars tryggt honum rautt spjald.

Atvikið má sjá í spilaranum hér að ofan en það kemur eftir 35 sekúndur.