Silkimjúkur rokkari 4. júní 2016 10:00 Hljómsveitin DALÍ er hugarfóstur söngkonunnar og bassaleikarans Erlu Stefánsdóttur en hún gaf út fyrstu plötu sína í lok síðasta árs. Sveitin hefur komið víða við á stuttum tíma, m.a. á Iceland Airwaves, tónlistarhátíðinni Gærunni og á Menningarnótt í Reykjavík á síðasta ári. Um miðjan mánuðinn kemur hljómveitin svo fram á tónlistarhátíðinni Secret Solstice í Laugardalnum þar sem heimsfrægar sveitir á borð við Radiohead, Deftones, Die Antwoord og Of Monsters and Men koma fram. Tilhlökkunin er því eðlilega mikil hjá Erlu sem telur dagana fram að hátíðinni. „Við erum í skýjunum yfir því að hafa komist inn á Secret Solstice. Þetta er svo rosalega flott hátíð og það verða þvílík stór nöfn sem koma fram á henni. Ég er vægast sagt spennt og þakklát.“ Með Erlu í hljómsveitinni eru Helgi Reynir Jónsson gítarleikari og Fúsi Óttars trommuleikari auk þess sem Þórður Gunnar Þorvaldsson spilar með þeim á tónleikum.Fjölbreyttur bakgrunnur Erla, sem spilar bæði á píanó og bassa, útskrifaðist frá jazz- og rokkbraut söngdeildar Tónlistarskóla FÍH árið 2011 og hefur síðan þá verið með puttana í ýmsum verkefnum. „Lengstum spilaði ég á bassa með systur minni Unu Stef og einnig í hardcore- og rokkhljómsveitum, söng í silkimjúku jazztríói, stóð fyrir Joni Mitchell tribute tónleikum oftar en einu sinni og nú síðast spilaði ég á bassa í System of a down heiðurstónleikum sem verða endurteknir í september.“Draumurinn var þó alltaf að semja og spila eigið efni þar sem hún væri ekki háð einni tónlistarstefnu. „Boltinn fór loks að rúlla um haustið árið 2014 þegar ég stofna DALÍ. Ég hafði samband við Helga Reyni gítarleikara með nokkur lög sem ég átti. Við bókuðum tónleika nánast viku síðar og hoppuðum beint út í djúpu laugina en það hefur einkennt vinnuferli okkar. Yfirleitt vinnast lögin þannig að ég tek upp einhverja grunnpælingu á píanó og send á Helga og Fúsa og svo vinnum við úr lögunum saman. Viðtökurnar hafa verið einstaklega góðar og mér finnst mjög gaman hvað fólk virðist tengja við lögin okkar.“Segir sögur Tónlistarstefnan er fjölbreytt; þar gætir áhrifa meðal annars frá Joni Mitchell og Primus að sögn Erlu. „Ég sæki innblástur í textana og lögin mest í gegnum einhverja reynslu eða atburði. Mér finnst alveg ómissandi partur af tónlistinni að textinn hafi einhverja sögu eða tilgang. Ég hef hlustað mjög mikið á Tom Waits og Joni Mitchell sem eru miklir „story-tellers” og hef verið undir miklum áhrifum frá þeim í gegnum tíðina, bæði textalega og tónlistarlega.“ Á meðan Erla er ekki að syngja og spila á bassa bregður hún sér í hlutverk kennarans og kennir söng og bassaleik við Tónlistarskóla Árbæjar. Framundan eru stífar æfingar fyrir Secret Solstice hátíðina en þau eru þegar byrjuð að æfa nýtt efni og undirbúa næstu plötu. „Strax eftir helgi kemur út nýtt lag frá okkur á netinu sem heitir „Ever“. Þrátt fyrir annasaman tíma ætla ég þó að reyna að eiga notalega helgi. Stefnan er sett á grill og notalegheit með fjölskyldunni auk þess sem ég ætla að skella mér á lokatónleika Listahátíðar í Reykjavík og sjá Terri Lyne Carrington sem er talin vera á meðal allra bestu djasstrommara heims.“ Hlusta má á tónlist DALÍ á Spotify og Soundcloud og fylgjast með fréttum og næstu tónleikum á facebook. Airwaves Tónlist Mest lesið Ævintýrin hófust þegar hann hafnaði Juilliard Tónlist Magnaðar myndir af lengstu á landsins Lífið Sjóðheitar og einhleypar inn í haustið Lífið Speak No Evil: Pabbi er ekki með fulle fem Gagnrýni Risavaxinn mörgæsarungi nýjasta stjarna Melbourne Lífið Hittast á hlutlausum stað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Seldu Kolbeini Sigþórs og keyptu í miðbænum Lífið Kristófer Helga í veikindaleyfi Lífið Stefnumótunarferð Fossa með mökum í Prag Lífið Fleiri fréttir Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Sjá meira
Hljómsveitin DALÍ er hugarfóstur söngkonunnar og bassaleikarans Erlu Stefánsdóttur en hún gaf út fyrstu plötu sína í lok síðasta árs. Sveitin hefur komið víða við á stuttum tíma, m.a. á Iceland Airwaves, tónlistarhátíðinni Gærunni og á Menningarnótt í Reykjavík á síðasta ári. Um miðjan mánuðinn kemur hljómveitin svo fram á tónlistarhátíðinni Secret Solstice í Laugardalnum þar sem heimsfrægar sveitir á borð við Radiohead, Deftones, Die Antwoord og Of Monsters and Men koma fram. Tilhlökkunin er því eðlilega mikil hjá Erlu sem telur dagana fram að hátíðinni. „Við erum í skýjunum yfir því að hafa komist inn á Secret Solstice. Þetta er svo rosalega flott hátíð og það verða þvílík stór nöfn sem koma fram á henni. Ég er vægast sagt spennt og þakklát.“ Með Erlu í hljómsveitinni eru Helgi Reynir Jónsson gítarleikari og Fúsi Óttars trommuleikari auk þess sem Þórður Gunnar Þorvaldsson spilar með þeim á tónleikum.Fjölbreyttur bakgrunnur Erla, sem spilar bæði á píanó og bassa, útskrifaðist frá jazz- og rokkbraut söngdeildar Tónlistarskóla FÍH árið 2011 og hefur síðan þá verið með puttana í ýmsum verkefnum. „Lengstum spilaði ég á bassa með systur minni Unu Stef og einnig í hardcore- og rokkhljómsveitum, söng í silkimjúku jazztríói, stóð fyrir Joni Mitchell tribute tónleikum oftar en einu sinni og nú síðast spilaði ég á bassa í System of a down heiðurstónleikum sem verða endurteknir í september.“Draumurinn var þó alltaf að semja og spila eigið efni þar sem hún væri ekki háð einni tónlistarstefnu. „Boltinn fór loks að rúlla um haustið árið 2014 þegar ég stofna DALÍ. Ég hafði samband við Helga Reyni gítarleikara með nokkur lög sem ég átti. Við bókuðum tónleika nánast viku síðar og hoppuðum beint út í djúpu laugina en það hefur einkennt vinnuferli okkar. Yfirleitt vinnast lögin þannig að ég tek upp einhverja grunnpælingu á píanó og send á Helga og Fúsa og svo vinnum við úr lögunum saman. Viðtökurnar hafa verið einstaklega góðar og mér finnst mjög gaman hvað fólk virðist tengja við lögin okkar.“Segir sögur Tónlistarstefnan er fjölbreytt; þar gætir áhrifa meðal annars frá Joni Mitchell og Primus að sögn Erlu. „Ég sæki innblástur í textana og lögin mest í gegnum einhverja reynslu eða atburði. Mér finnst alveg ómissandi partur af tónlistinni að textinn hafi einhverja sögu eða tilgang. Ég hef hlustað mjög mikið á Tom Waits og Joni Mitchell sem eru miklir „story-tellers” og hef verið undir miklum áhrifum frá þeim í gegnum tíðina, bæði textalega og tónlistarlega.“ Á meðan Erla er ekki að syngja og spila á bassa bregður hún sér í hlutverk kennarans og kennir söng og bassaleik við Tónlistarskóla Árbæjar. Framundan eru stífar æfingar fyrir Secret Solstice hátíðina en þau eru þegar byrjuð að æfa nýtt efni og undirbúa næstu plötu. „Strax eftir helgi kemur út nýtt lag frá okkur á netinu sem heitir „Ever“. Þrátt fyrir annasaman tíma ætla ég þó að reyna að eiga notalega helgi. Stefnan er sett á grill og notalegheit með fjölskyldunni auk þess sem ég ætla að skella mér á lokatónleika Listahátíðar í Reykjavík og sjá Terri Lyne Carrington sem er talin vera á meðal allra bestu djasstrommara heims.“ Hlusta má á tónlist DALÍ á Spotify og Soundcloud og fylgjast með fréttum og næstu tónleikum á facebook.
Airwaves Tónlist Mest lesið Ævintýrin hófust þegar hann hafnaði Juilliard Tónlist Magnaðar myndir af lengstu á landsins Lífið Sjóðheitar og einhleypar inn í haustið Lífið Speak No Evil: Pabbi er ekki með fulle fem Gagnrýni Risavaxinn mörgæsarungi nýjasta stjarna Melbourne Lífið Hittast á hlutlausum stað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Seldu Kolbeini Sigþórs og keyptu í miðbænum Lífið Kristófer Helga í veikindaleyfi Lífið Stefnumótunarferð Fossa með mökum í Prag Lífið Fleiri fréttir Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Sjá meira