Verkin lofa Guðrúnu Margréti Pálsdóttur forsetaframbjóðanda Tryggvi Ólafsson skrifar 23. júní 2016 13:19 Fagna ber framboði Guðrúnar Margrétar Pálsdóttur til forseta lýðveldisins. Guðrún er kona með stórt hjarta og full kærleika til alls sem lifir sem sést best af störfum hennar fyrir fátæka í þriðja heiminum. Guðrún er fulltrúi sjónarmiða sem áttu stóran þátt í að íslensk þjóð lyftist upp úr fátækt til bjargálna. Um aldamótin 1900 voru Íslendingar um 75 þúsund og talin fátækust þjóða Evrópu, þjóðin bjó að miklum náttúruauðlindum en skorti bæði þekkingu og tæki til að nýta þær. Alvarlegir sjúkdómar voru landlægir svo sem berklar og holdsveiki auk þess voru slys mjög tíð bæði á sjó og í landi sem hjuggu stór skörð og sviptu fjölskyldur lifibrauði og hamingju. Hve miklu hjálp útlendinga skipti hefur ekki verið nægur gaumur gefin, hátt á annað hundrað kaþólskar nunnur gáfu okkur starfsæfi sína á síðustu öld sem hjúkrunar og kennslukonur. Að baki hverrar nunnu stóðu margir stuðningsaðilar sem tóku þátt í að byggja sjúkrahús og skóla í Reykjavík, Hafnarfirði og Stykkishólmi. Ljóst er að mörgum mannslífum var bjargað og menntunarstig þjóðarinnar lyftist sem jók þrótt og dáð Íslendinga. Guðrún Margrét er hinn þakkláti Íslendingur sem vill að þjóðin breyti kjörum fátækra þjóða eins og okkur var hjálpað. Guðrún Margrét er ekki manneskja sem horfir á og lætur ranglæti og eymd viðgangast án afskipta. Hún er ein af stofnendum ABC barnahjálpar og launalaus framkvæmdastjóri til 23 ára. ABC hefur fáa launaða starfsmenn hér heima en tæp fimmta þúsund íslenskra stuðningsaðila sem eru í raun hin mikla vél starfsins. Hugsjón um menntun örfátækra barna í þriðja heiminum hefur breytt lífi tugþúsunda barna með því að stofna og reka skóla í 8 löndum. Fjöldi þeirra hafa lokið sveinsprófi sem iðnaðarmenn eða háskólaprófi svo áhrif þeirra í samfélaginu koma með að skipta miklu. Hvert barn sem fær stuðning til náms í barna og unglingaskóla á möguleika á góðri framtíð sér og afkomendum sínum til handa. Margir verða hissa á þegar þeim er bent á að með því að styrkja eitt barn er mjög líklegt að afkomendur þess verði að fjórum kynslóðum liðnum milli 200 til 250 læsir, jafnvel vel menntaðir. Öruggt er að úr hinum mikla fjölda sem íslendingar hafa stutt koma einn og einn mjög öflugur einstaklingur, sem breyta miklu fyrir samfélag sitt. Saga okkar geymir mörg dæmi um fátæka menn sem áttu varla önnur örlög en fátæktarbasl en fengu tækifæri til menntunar. Eitt glæstasta dæmið er Bjarni Sívertsen sem kallaður er faðir Hafnarfjarðar. Foreldrar hans voru fátækir, Bjarni fæddist 1763 í Nesi í Selvoginum. Hann kvæntist vel stæðri ekkju sem kenndi honum 20 ára lestur, skrift og reikning. Hann lagði til atlögu við dönsku kaupmennina og hóf verslunarrekstur og útgerð, einnig byggði Bjarni upp stærstu skipasmíðastöð landsins í Hafnarfirði. Skipin sem smíðuð voru í firðinum voru það stór að þeim var beitt á dýpri mið en landsmenn höfðu áður gert. Þegar hæst stóð hafði hann nokkur kaupskip í förum til Hafnar, Ítalíu og Spánar. Danski konungurinn heiðraði Bjarna með riddarakrossi Dannebrogsorðunnar sem var fáheyrt, fyrir að ná úr höndum ensk aðalsmanns og sjóræningja landsjóðnum. Bjarni sótti sjóðinn fyrir dómi í London. Thomas Gilpin var með víkingaleyfi og mátti samkvæmt því ræna eigum danska konungsins en Bjarni sá við honum og var kallaður Bjarni riddari frá því. Saga Bjarna er mikið ævintýri, ævintýri sem aldrei hefði orðið ef hann hefði ekki fengið menntun. Hann var hæfileikamaður á réttum stað og tíma. Kennsla Rannveigar konu hans bar háa rentu þjóðinni til gæfu við vitum ekki hversu margir „Bjarnar“ hafa orðið til vegna framlags frá Íslandi. Fæðingartíðnin er mikil í þriðja heiminum og algengt að hver kona eignist fleiri en 4 börn. Með því að veita barni menntun getur hver sem er ráðist að alvarlegri ógn mannkyns sem er offjölgun. Menntun eflir þjóðir og þær fjölga sér hægt eða jafnvel ekki. Með menntun er ráðist að mörgum mest aðkallandi vandamálum sem lífið á jörðinni stendur frammi fyrir. Guðrún er hæglát kona, þeir sem til þekkja vita að í raun er vegsemd hennar mest þar sem verk hennar standa. Árangur ABC barnahjálpar, SOS Barnaþorpa og Unicef er undur sem þjóðin ætti að vera stoltari af. Með því að kjósa Guðrúnu Margréti Pálsdóttur veitirðu brautargengi viðhorfum að löngu sé tímabært að launa fyrir hjálpina sem þjóðin hlaut þegar mest á þurfti. Hún mun beita sér á forsetastóli fyrir auknum náungakærleika ekki síður hér heima með því að hvetja til að fólk gefi af sér til fátækra því þeir eru líka meðal okkar á Íslandi. Við höfum heyrt að um 6000 íslensk börn líði skort, mannúð þarf að auka á Íslandi. Viltu birta grein á Vísi? Sendu okkur póst. Senda grein Forsetakosningar 2016 Skoðun Mest lesið Leyfum mennskunni að sigra Anna Hildur Hildibrandsdóttir Skoðun Sjómenn til hamingju! Lilja Rafney Magnúsdóttir Skoðun Landbúnaður á tímamótum – Við þurfum nýja stefnu Guðjón Sigurbjartsson Skoðun Fjölskyldan fyrst Hólmfríður Jennýjar Árnadóttir Skoðun Um spretthóp og lestrarkennslu. Hvatning til mennta- og barnamálaráðherra um faglega starfshætti Auður Soffíu Björgvinsdóttir Skoðun Hvað er markaðsverð á fiski? Sverrir Haraldsson Skoðun Frá, frá, frá. Fúsa liggur á Eiríkur Hjálmarsson Skoðun Á uppgjör frá TR að koma eldri borgurum á óvart? Björn Snæbjörnsson Skoðun Borgarlína, barnleysi og bíllaus lífstíll – hentar það Kópavogi? Einar Jóhannes Guðnason Skoðun Við eigum allt. Af hverju finnst okkur samt vanta eitthvað? Valentina Klaas Skoðun Skoðun Skoðun Landbúnaður á tímamótum – Við þurfum nýja stefnu Guðjón Sigurbjartsson skrifar Skoðun Sjómenn til hamingju! Lilja Rafney Magnúsdóttir skrifar Skoðun Leyfum mennskunni að sigra Anna Hildur Hildibrandsdóttir skrifar Skoðun Fjölskyldan fyrst Hólmfríður Jennýjar Árnadóttir skrifar Skoðun Hvað er markaðsverð á fiski? Sverrir Haraldsson skrifar Skoðun Tími til kerfisbundinna breytinga í samfélagstúlkun – ákall til stjórnvalda Anna Karen Svövudóttir skrifar Skoðun Fæðing Ísraels - Líkum misþyrmt BIrgir Dýrfjörð skrifar Skoðun Við eigum allt. Af hverju finnst okkur samt vanta eitthvað? Valentina Klaas skrifar Skoðun Um spretthóp og lestrarkennslu. Hvatning til mennta- og barnamálaráðherra um faglega starfshætti Auður Soffíu Björgvinsdóttir skrifar Skoðun Tíðaheilbrigði er lykilatriði í jafnrétti kynjanna Berit Mueller skrifar Skoðun Þjóðarmorð – frá orðfræðilegu sjónarmiði Eiríkur Rögnvaldsson skrifar Skoðun Borgarlína, barnleysi og bíllaus lífstíll – hentar það Kópavogi? Einar Jóhannes Guðnason skrifar Skoðun Þakkir til starfsfólk Janusar Sigrún Ósk Bergmann skrifar Skoðun Mun gervigreindin senda konur heim? Björgmundur Örn Guðmundsson skrifar Skoðun Frá, frá, frá. Fúsa liggur á Eiríkur Hjálmarsson skrifar Skoðun Nokkur orð um stöðuna Dögg Þrastardóttir skrifar Skoðun Kynbundinn munur í tekjum á efri árum Sigríður Ingibjörg Ingadóttir,Steinunn Bragadóttir skrifar Skoðun #blessmeta – þriðja grein Guðrún Hrefna Guðmundsdóttir skrifar Skoðun Hvernig tryggir þú stærstu fjárfestingu lífins? Berglind Halla Elíasdóttir skrifar Skoðun Ritunarramminn - verkfæri fyrir kennara! Katrín Ósk Þráinsdóttir skrifar Skoðun Hvalveiðar eru ekki mannréttindi. Þetta er atvinnugrein sem hefur mistekist Ed Goodall skrifar Skoðun Feluleikur Þorgerðar Katrínar Hjörtur J. Guðmundsson skrifar Skoðun Ráðalaus ráðherra Högni Elfar Gylfason skrifar Skoðun Spólum til baka Snævar Ingi Sveinsson skrifar Skoðun Sögulegur dómur Hæstaréttar – staðfestir sjálfstæði Alþingis Erna Bjarnadóttir skrifar Skoðun Að vera fatlaður á Íslandi er full vinna Birna Ösp Traustadóttir skrifar Skoðun Sæluríkið Ísland Einar Helgason skrifar Skoðun Áskorun til Alþingis: Tryggið almannahagsmuni - afnemið samkeppnisundanþágu afurðastöðvanna Benedikt S. Benediktsson,Breki Karlsson,Halla Gunnarsdóttir,Ólafur Stephensen skrifar Skoðun Stormurinn gegn stóðhryssunni Hallgerður Ljósynja Hauksdóttir skrifar Skoðun Kallið þið þetta fjölbreytni? Hermann Borgar Jakobsson skrifar Sjá meira
Fagna ber framboði Guðrúnar Margrétar Pálsdóttur til forseta lýðveldisins. Guðrún er kona með stórt hjarta og full kærleika til alls sem lifir sem sést best af störfum hennar fyrir fátæka í þriðja heiminum. Guðrún er fulltrúi sjónarmiða sem áttu stóran þátt í að íslensk þjóð lyftist upp úr fátækt til bjargálna. Um aldamótin 1900 voru Íslendingar um 75 þúsund og talin fátækust þjóða Evrópu, þjóðin bjó að miklum náttúruauðlindum en skorti bæði þekkingu og tæki til að nýta þær. Alvarlegir sjúkdómar voru landlægir svo sem berklar og holdsveiki auk þess voru slys mjög tíð bæði á sjó og í landi sem hjuggu stór skörð og sviptu fjölskyldur lifibrauði og hamingju. Hve miklu hjálp útlendinga skipti hefur ekki verið nægur gaumur gefin, hátt á annað hundrað kaþólskar nunnur gáfu okkur starfsæfi sína á síðustu öld sem hjúkrunar og kennslukonur. Að baki hverrar nunnu stóðu margir stuðningsaðilar sem tóku þátt í að byggja sjúkrahús og skóla í Reykjavík, Hafnarfirði og Stykkishólmi. Ljóst er að mörgum mannslífum var bjargað og menntunarstig þjóðarinnar lyftist sem jók þrótt og dáð Íslendinga. Guðrún Margrét er hinn þakkláti Íslendingur sem vill að þjóðin breyti kjörum fátækra þjóða eins og okkur var hjálpað. Guðrún Margrét er ekki manneskja sem horfir á og lætur ranglæti og eymd viðgangast án afskipta. Hún er ein af stofnendum ABC barnahjálpar og launalaus framkvæmdastjóri til 23 ára. ABC hefur fáa launaða starfsmenn hér heima en tæp fimmta þúsund íslenskra stuðningsaðila sem eru í raun hin mikla vél starfsins. Hugsjón um menntun örfátækra barna í þriðja heiminum hefur breytt lífi tugþúsunda barna með því að stofna og reka skóla í 8 löndum. Fjöldi þeirra hafa lokið sveinsprófi sem iðnaðarmenn eða háskólaprófi svo áhrif þeirra í samfélaginu koma með að skipta miklu. Hvert barn sem fær stuðning til náms í barna og unglingaskóla á möguleika á góðri framtíð sér og afkomendum sínum til handa. Margir verða hissa á þegar þeim er bent á að með því að styrkja eitt barn er mjög líklegt að afkomendur þess verði að fjórum kynslóðum liðnum milli 200 til 250 læsir, jafnvel vel menntaðir. Öruggt er að úr hinum mikla fjölda sem íslendingar hafa stutt koma einn og einn mjög öflugur einstaklingur, sem breyta miklu fyrir samfélag sitt. Saga okkar geymir mörg dæmi um fátæka menn sem áttu varla önnur örlög en fátæktarbasl en fengu tækifæri til menntunar. Eitt glæstasta dæmið er Bjarni Sívertsen sem kallaður er faðir Hafnarfjarðar. Foreldrar hans voru fátækir, Bjarni fæddist 1763 í Nesi í Selvoginum. Hann kvæntist vel stæðri ekkju sem kenndi honum 20 ára lestur, skrift og reikning. Hann lagði til atlögu við dönsku kaupmennina og hóf verslunarrekstur og útgerð, einnig byggði Bjarni upp stærstu skipasmíðastöð landsins í Hafnarfirði. Skipin sem smíðuð voru í firðinum voru það stór að þeim var beitt á dýpri mið en landsmenn höfðu áður gert. Þegar hæst stóð hafði hann nokkur kaupskip í förum til Hafnar, Ítalíu og Spánar. Danski konungurinn heiðraði Bjarna með riddarakrossi Dannebrogsorðunnar sem var fáheyrt, fyrir að ná úr höndum ensk aðalsmanns og sjóræningja landsjóðnum. Bjarni sótti sjóðinn fyrir dómi í London. Thomas Gilpin var með víkingaleyfi og mátti samkvæmt því ræna eigum danska konungsins en Bjarni sá við honum og var kallaður Bjarni riddari frá því. Saga Bjarna er mikið ævintýri, ævintýri sem aldrei hefði orðið ef hann hefði ekki fengið menntun. Hann var hæfileikamaður á réttum stað og tíma. Kennsla Rannveigar konu hans bar háa rentu þjóðinni til gæfu við vitum ekki hversu margir „Bjarnar“ hafa orðið til vegna framlags frá Íslandi. Fæðingartíðnin er mikil í þriðja heiminum og algengt að hver kona eignist fleiri en 4 börn. Með því að veita barni menntun getur hver sem er ráðist að alvarlegri ógn mannkyns sem er offjölgun. Menntun eflir þjóðir og þær fjölga sér hægt eða jafnvel ekki. Með menntun er ráðist að mörgum mest aðkallandi vandamálum sem lífið á jörðinni stendur frammi fyrir. Guðrún er hæglát kona, þeir sem til þekkja vita að í raun er vegsemd hennar mest þar sem verk hennar standa. Árangur ABC barnahjálpar, SOS Barnaþorpa og Unicef er undur sem þjóðin ætti að vera stoltari af. Með því að kjósa Guðrúnu Margréti Pálsdóttur veitirðu brautargengi viðhorfum að löngu sé tímabært að launa fyrir hjálpina sem þjóðin hlaut þegar mest á þurfti. Hún mun beita sér á forsetastóli fyrir auknum náungakærleika ekki síður hér heima með því að hvetja til að fólk gefi af sér til fátækra því þeir eru líka meðal okkar á Íslandi. Við höfum heyrt að um 6000 íslensk börn líði skort, mannúð þarf að auka á Íslandi.
Um spretthóp og lestrarkennslu. Hvatning til mennta- og barnamálaráðherra um faglega starfshætti Auður Soffíu Björgvinsdóttir Skoðun
Skoðun Tími til kerfisbundinna breytinga í samfélagstúlkun – ákall til stjórnvalda Anna Karen Svövudóttir skrifar
Skoðun Um spretthóp og lestrarkennslu. Hvatning til mennta- og barnamálaráðherra um faglega starfshætti Auður Soffíu Björgvinsdóttir skrifar
Skoðun Borgarlína, barnleysi og bíllaus lífstíll – hentar það Kópavogi? Einar Jóhannes Guðnason skrifar
Skoðun Kynbundinn munur í tekjum á efri árum Sigríður Ingibjörg Ingadóttir,Steinunn Bragadóttir skrifar
Skoðun Hvalveiðar eru ekki mannréttindi. Þetta er atvinnugrein sem hefur mistekist Ed Goodall skrifar
Skoðun Áskorun til Alþingis: Tryggið almannahagsmuni - afnemið samkeppnisundanþágu afurðastöðvanna Benedikt S. Benediktsson,Breki Karlsson,Halla Gunnarsdóttir,Ólafur Stephensen skrifar
Um spretthóp og lestrarkennslu. Hvatning til mennta- og barnamálaráðherra um faglega starfshætti Auður Soffíu Björgvinsdóttir Skoðun