Harpa og Katrín með þrennur í stórsigri Stjörnunnar

Stjarnan lenti í engum vandræðum með nýliða ÍA á heimavelli í Pepsi-deild kvenna í kvöld, en lokatölur 6-0.

Markadrottningin Harpa Þorsteinsdóttir kom Stjörnunni yfir og Katrín Ásbjörnsdóttir tvöfaldaði forystuna fyrir hlé, en staðan í hálfleik 2-0.

Harpa og Katrín bættu við sitthvorum tveimur mörkunum í síðari hálfleik og lokatölur urðu 6-0 sigur bikarmeistaranna.

Stjarnan er á toppi deildarinnar með 16 stig, en þær hafa unnið fimm leiki af sex og gert eitt jafntefli. ÍA er með eitt stig á botninum.