Það rigndi rauðu í Róm

Roma fer ekki í riðlakeppni Meistaradeilar Evrópu eftir að hafa farið illa að ráði sínu á heimavelli gegn Porto.

Staðan í rimmu liðanna var 1-1 eftir fyrri leikinn í Portúgal og Roma því í fínni stöðu. Það breyttist strax í fyrri hálfleik er Daniele de Rossi lét reka sig af velli á 39. mínútu en staðan var þá þegar orðin 0-1 fyrir Porto.

Á fimmtu mínútu síðari hálfleiks lét varamaðurinn Emerson líka reka sig beint af velli. Bæði rauðu spjöldin voru hárréttur dómur.

Eftirleikurinn var í kjölfarið auðveldur fyrir Porto sem fer í riðlakeppni Meistaradeildarinnar en Roma verður í Evrópudeildinni í vetur.

FH-banarnir í Dundalk verða í Evrópudeildinni en þeir voru ekki fjarri því að þvinga fram framlengingu í Varsjá í kvöld.

Úrslit:

Viktoria Plzen-Ludogorets  2-2

Ludogorets fór áfram, 2-4, samanlagt.

Hapoel Beer Sheva-Celtic  2-0

Celtic fór áfram, 4-5, samanlagt.

Legia Varsjá-Dundalk  1-1

Legia fór áfram, 3-1, samanlagt.

Roma-Porto  0-3

Porto fór áfram, 1-4, samanlagt.

Monaco-Villarreal  1-0

Monaco fór áfram, 3-1, samanlagt.