Farþegafjöldi WOW air í september vex um 165 prósent

192.860 farþegar ferðuðust til og frá Íslandi með WOW air í september. Er þetta m 165% fleiri farþegar en í september á síðast ári. WOW air hefur flutt um 1,17 milljón farþega það sem af er ári og er það 117% aukning frá sama tímabili á síðasta ári.

Þá kemur fram í tilkynningu frá WOW að hlutdeild WOW air í heildarfjölda farþega um Keflavíkurflugvöll var 27% í september og er það 12 prósentustiga hækkun á milli ára.

„Það er ánægjulegt að sjá hversu mikil hlutdeild WOW air í umferð farþega um Keflavíkurflugvöll hefur aukist á einu ári en við erum meðal umsvifamestu flugfélaganna sem fljúga þaðan. Það er ljóst að við erum að ná að höfða til fólks með lágum verðum og spennandi áfangastöðum,“ segir Skúli Mogensen forstjóri og eigandi WOW air.