Skemmtanabransinn spáði fyrir um sigur Trump Hulda Hólmkelsdóttir skrifar 9. nóvember 2016 21:11 Rage Against the Machine og The Simpsons eru meðal þeirra sem sáu forsetaframboð Trump fyrir sér. Vísir/Skjáskot Donald Trump hefur verið kjörinn forseti Bandaríkjanna og má með sanni segja að niðurstaðan hafi komið mörgum í opna skjöldu. Það eru þó nokkrir sem hafa í gegnum tíðina spáð fyrir um forsetatíð Trump, í sjónvarpi, kvikmyndum og tónlistarmyndböndum meðal annars. Frægasta dæmið er eflaust Simpsons þátturinn Bart to the Future, sem var fyrst sýndur í mars árið 2000. Í þættinum sér Bart framtíðina, þar sem systir hans Lisa er fyrsti gagnkynhneigði kvenforseti Bandaríkjanna. Hennar bíður mikið verk þar sem fyrirrennari hennar í embætti, Donald Trump, skildi ríkissjóð Bandaríkjanna eftir í hræðilegu ástandi og Bandaríkin eru gjaldþrota. Einn höfunda þáttanna, Dan Greaney, sagði í viðtali við The Hollywood Reporter í mars síðastliðnum að þættinum hafi ætlað að vera viðvörun til Bandaríkjamanna. „Það virtist vera síðasta skrefið áður en botninum væri náð. Þessi hugmynd kom upp því hún var í takt við þá hugmynd að Bandaríkin væru að missa vitið,“ sagði Greaney. Þetta er ekki í eina skiptið sem höfundar Simpsons hafa náð að spá fyrir um framtíðina. Fyrir sex árum spáðu þeir fyrir að Bengt Holström myndi hljóta Nóbelsverðlaunin í hagfræði árið 2016, sem hann gerði. Þá hjálpuðu þeir einnig við fínpússun á hönnun iPhone, spáðu fyrir um Apple úrin og sögðu að hljómsveitin the Rolling Stones yrði enn á tónleikaferðalagi árið 2016. Illmennið Biff Titillinn á Simpsons þættinum fræga er vissulega við hæfi hér því illmennið Biff Tannen í kvikmyndinni Back to the Future II er einnig byggður á Trump. Í myndinni ferðast Marty McFly 25 ár fram í tímann, til ársins 2015. Þar hefur hann óvart áhrif á sitt eigið líf og þegar hann ferðast aftur til ársins 1985 er erkióvinur hans, Biff Tannen, orðinn ríkur og spilltur og heimabær hans Hill Valley í algjörri upplausn. Handritshöfundur myndarinnar, Bob Gale, staðfesti í viðtali við the Daily Beast, að Biff hafi verið innblásinn af Donald Trump. „Ef þú horfir aftur á myndina þá er atriði þar sem Marty ræðir við Biff á skrifstofunni hans og það er risastórt málverk af Biff á vegnum fyrir aftan hann, og það er augnablik þar sem Biff stendur upp og er í nákvæmlega sömu líkamsstöðu og á myndinni? Já,“ sagði Gale. „Við hgusuðum um þetta þegar við gerðum myndina.“ Doonesbury Bandaríski skopmyndateiknarinn Garry Trudeau hefur lengi gert Donald Trump að viðfangsefni sínu í skopmyndaseríunni Doonesbury. Hann hefur reynar svo oft notað Trump í verkum sínum að hann gaf út bók fyrr á árinu sem nefnist „Yuge! 30 years of Doonesbury on Trump.“ Til að mynda notaði hann Trump árið 1999 í örsögu þar sem forsetaframbjóðandinn Trump útlistar ágæti sínu við fjölmiðla. „Eins og þið vitið hefur framboð mitt vakið mögnuð, mögnuð, mögnuð viðbrögð. Það er ótrúlegt hversu mögnuð þau hafa verið,“ segir teiknimynda-Trump til að mynda. Doonesbury 1999 on Trump. And the media has learned nothing. pic.twitter.com/ORslcA4otz— David Fenton (@dfenton) September 19, 2016 Rage Against the Machine og Michael Moore Skírskotun í forsetaframboð Trump sést einnig bregða fyrirí tónlistarmyndbandinu við lagið Sleep Now in the Fire með hljómsveitinni Rage Against The Machine. Myndbandinu, sem kom út árið 2000, var leikstýrt af Michael Moore og var ætlað sem ádeila á hlutabréfamarkað Bandaríkjanna og menninguna sem hann elur af sér. Í myndbandinu sést maður lyfta skilti sem á stendur „Donald Trump til forseta 2000“ Það er ekki í eina skiptið sem Michael Moore hefur velt Donald Trump fyrir sér en hann skrifaði einnig pistil síðastlið sumar með yfirskriftinni „Fimm ástæður fyrir því að Donald Trump muni sigra.“ Þar sagði hann meðal annars að Trump myndi einbeita sér að demókratafylkjunum Michigan, Ohio, Pennsylvaníu og Wisconsins. Það rættist úr því og Trump vann öll þau fylki í gær. Donald Trump Mest lesið Norah Jones: Tíminn stóð í stað þar til ljóskastarinn vakti mann Gagnrýni „Fólk sleppur ekkert auðveldlega frá mér“ Lífið Staðfesta sambandsslitin Lífið Mun aldrei líta á ástina sem sjálfsagða Makamál Anna Guðný fann ástina í faðmi kraflyftingamanns Lífið Einbýli í Breiðholti úr smiðju Rutar Kára Lífið Bylgjulestin mætir á Írska daga á Akranesi Lífið samstarf Michael Madsen er látinn Lífið Kvenorkan tók yfir á Garðatorgi Lífið Björt og Fannar selja einbýlishús fyrir 90 milljónir Lífið Fleiri fréttir Einbýli í Breiðholti úr smiðju Rutar Kára „Fólk sleppur ekkert auðveldlega frá mér“ Staðfesta sambandsslitin Ætla að synda frá Elliðaey til Heimaeyjar Michael Madsen er látinn Kvenorkan tók yfir á Garðatorgi Björt og Fannar selja einbýlishús fyrir 90 milljónir Anna Guðný fann ástina í faðmi kraflyftingamanns Lykla-Pétur fauk á haf út Sigraðist á krabba og komst að óléttu samdægurs Miðar á Kaleo endurseldir á margföldu verði Hvar er Mollý Tik Tok skinka í dag? Landsliðsmaður gifti sig í Vík í Mýrdal Eitt glæsilegasta hrossabú landsins falt fyrir tæpan einn og hálfan milljarð Elta drauminn um hægara líf eftir fjögur ár á Íslandi Sólveig og Halldór gáfu dótturinni nafn Slær á létta strengi í þinginu og afhenti ráðherra „Gyllta tappann“ Of Monsters and Men gefa út nýtt lag Brady og Bloom sagðir sólgnir í Sweeney Fyrst skíði og nú golf Rétturinn sem fær konurnar niður á hnén „Takk Hreyfill frá Vorsabæ“ Vala Grand og Brynjólfur flytja á Skagann Árin hjá Spotify ævintýri líkust Einar fékk meira hár en Baldur „Öruggt athvarf fyrir hinsegin samfélagið“ Stjörnulífið: Suðræn sæla og seiðandi kroppar Drakk ógeðslega illa og hætti eftir blindafyllerí „Aldrei grátið jafn mikið af gleði“ „Það eru smá blendnar tilfinningar að vera farin“ Sjá meira
Donald Trump hefur verið kjörinn forseti Bandaríkjanna og má með sanni segja að niðurstaðan hafi komið mörgum í opna skjöldu. Það eru þó nokkrir sem hafa í gegnum tíðina spáð fyrir um forsetatíð Trump, í sjónvarpi, kvikmyndum og tónlistarmyndböndum meðal annars. Frægasta dæmið er eflaust Simpsons þátturinn Bart to the Future, sem var fyrst sýndur í mars árið 2000. Í þættinum sér Bart framtíðina, þar sem systir hans Lisa er fyrsti gagnkynhneigði kvenforseti Bandaríkjanna. Hennar bíður mikið verk þar sem fyrirrennari hennar í embætti, Donald Trump, skildi ríkissjóð Bandaríkjanna eftir í hræðilegu ástandi og Bandaríkin eru gjaldþrota. Einn höfunda þáttanna, Dan Greaney, sagði í viðtali við The Hollywood Reporter í mars síðastliðnum að þættinum hafi ætlað að vera viðvörun til Bandaríkjamanna. „Það virtist vera síðasta skrefið áður en botninum væri náð. Þessi hugmynd kom upp því hún var í takt við þá hugmynd að Bandaríkin væru að missa vitið,“ sagði Greaney. Þetta er ekki í eina skiptið sem höfundar Simpsons hafa náð að spá fyrir um framtíðina. Fyrir sex árum spáðu þeir fyrir að Bengt Holström myndi hljóta Nóbelsverðlaunin í hagfræði árið 2016, sem hann gerði. Þá hjálpuðu þeir einnig við fínpússun á hönnun iPhone, spáðu fyrir um Apple úrin og sögðu að hljómsveitin the Rolling Stones yrði enn á tónleikaferðalagi árið 2016. Illmennið Biff Titillinn á Simpsons þættinum fræga er vissulega við hæfi hér því illmennið Biff Tannen í kvikmyndinni Back to the Future II er einnig byggður á Trump. Í myndinni ferðast Marty McFly 25 ár fram í tímann, til ársins 2015. Þar hefur hann óvart áhrif á sitt eigið líf og þegar hann ferðast aftur til ársins 1985 er erkióvinur hans, Biff Tannen, orðinn ríkur og spilltur og heimabær hans Hill Valley í algjörri upplausn. Handritshöfundur myndarinnar, Bob Gale, staðfesti í viðtali við the Daily Beast, að Biff hafi verið innblásinn af Donald Trump. „Ef þú horfir aftur á myndina þá er atriði þar sem Marty ræðir við Biff á skrifstofunni hans og það er risastórt málverk af Biff á vegnum fyrir aftan hann, og það er augnablik þar sem Biff stendur upp og er í nákvæmlega sömu líkamsstöðu og á myndinni? Já,“ sagði Gale. „Við hgusuðum um þetta þegar við gerðum myndina.“ Doonesbury Bandaríski skopmyndateiknarinn Garry Trudeau hefur lengi gert Donald Trump að viðfangsefni sínu í skopmyndaseríunni Doonesbury. Hann hefur reynar svo oft notað Trump í verkum sínum að hann gaf út bók fyrr á árinu sem nefnist „Yuge! 30 years of Doonesbury on Trump.“ Til að mynda notaði hann Trump árið 1999 í örsögu þar sem forsetaframbjóðandinn Trump útlistar ágæti sínu við fjölmiðla. „Eins og þið vitið hefur framboð mitt vakið mögnuð, mögnuð, mögnuð viðbrögð. Það er ótrúlegt hversu mögnuð þau hafa verið,“ segir teiknimynda-Trump til að mynda. Doonesbury 1999 on Trump. And the media has learned nothing. pic.twitter.com/ORslcA4otz— David Fenton (@dfenton) September 19, 2016 Rage Against the Machine og Michael Moore Skírskotun í forsetaframboð Trump sést einnig bregða fyrirí tónlistarmyndbandinu við lagið Sleep Now in the Fire með hljómsveitinni Rage Against The Machine. Myndbandinu, sem kom út árið 2000, var leikstýrt af Michael Moore og var ætlað sem ádeila á hlutabréfamarkað Bandaríkjanna og menninguna sem hann elur af sér. Í myndbandinu sést maður lyfta skilti sem á stendur „Donald Trump til forseta 2000“ Það er ekki í eina skiptið sem Michael Moore hefur velt Donald Trump fyrir sér en hann skrifaði einnig pistil síðastlið sumar með yfirskriftinni „Fimm ástæður fyrir því að Donald Trump muni sigra.“ Þar sagði hann meðal annars að Trump myndi einbeita sér að demókratafylkjunum Michigan, Ohio, Pennsylvaníu og Wisconsins. Það rættist úr því og Trump vann öll þau fylki í gær.
Donald Trump Mest lesið Norah Jones: Tíminn stóð í stað þar til ljóskastarinn vakti mann Gagnrýni „Fólk sleppur ekkert auðveldlega frá mér“ Lífið Staðfesta sambandsslitin Lífið Mun aldrei líta á ástina sem sjálfsagða Makamál Anna Guðný fann ástina í faðmi kraflyftingamanns Lífið Einbýli í Breiðholti úr smiðju Rutar Kára Lífið Bylgjulestin mætir á Írska daga á Akranesi Lífið samstarf Michael Madsen er látinn Lífið Kvenorkan tók yfir á Garðatorgi Lífið Björt og Fannar selja einbýlishús fyrir 90 milljónir Lífið Fleiri fréttir Einbýli í Breiðholti úr smiðju Rutar Kára „Fólk sleppur ekkert auðveldlega frá mér“ Staðfesta sambandsslitin Ætla að synda frá Elliðaey til Heimaeyjar Michael Madsen er látinn Kvenorkan tók yfir á Garðatorgi Björt og Fannar selja einbýlishús fyrir 90 milljónir Anna Guðný fann ástina í faðmi kraflyftingamanns Lykla-Pétur fauk á haf út Sigraðist á krabba og komst að óléttu samdægurs Miðar á Kaleo endurseldir á margföldu verði Hvar er Mollý Tik Tok skinka í dag? Landsliðsmaður gifti sig í Vík í Mýrdal Eitt glæsilegasta hrossabú landsins falt fyrir tæpan einn og hálfan milljarð Elta drauminn um hægara líf eftir fjögur ár á Íslandi Sólveig og Halldór gáfu dótturinni nafn Slær á létta strengi í þinginu og afhenti ráðherra „Gyllta tappann“ Of Monsters and Men gefa út nýtt lag Brady og Bloom sagðir sólgnir í Sweeney Fyrst skíði og nú golf Rétturinn sem fær konurnar niður á hnén „Takk Hreyfill frá Vorsabæ“ Vala Grand og Brynjólfur flytja á Skagann Árin hjá Spotify ævintýri líkust Einar fékk meira hár en Baldur „Öruggt athvarf fyrir hinsegin samfélagið“ Stjörnulífið: Suðræn sæla og seiðandi kroppar Drakk ógeðslega illa og hætti eftir blindafyllerí „Aldrei grátið jafn mikið af gleði“ „Það eru smá blendnar tilfinningar að vera farin“ Sjá meira