Hellingur af Íslandi í nýjustu The Fate of the Furious-stiklunni

Hér er komin ný stikla úr myndinni The Fate of the Furious sem frumsýnd verður 12. apríl næstkomandi. Um er að ræða áttundu myndina í Fast and the Furious-seríunni sem meðal annars var tekin upp hér á landi í fyrra.

Söguþráður þessarar myndar hefst þegar Dom, leikinn af Vin Diesel, og Letty, leikin af Michelle Rodriguez, eru í brúðkaupsferð sinni og restin af teyminu þeirra lifir því sem gæti kallast venjulegt líf.

Dularfull kona, leikin af Charlize Theron, verður hins vegar á vegi Doms og tælir hann aftur inn á glæpabrautina sem verður til þess að hann svíkur þá sem standa honum næst.

Í þessari stiklu sést mun meira af persónu Charlize Theron en áður en í stiklunni má einnig sjá Íslandi bregða nokkrum sinnum fyrir.