Matthew Perry lamdi Justin Trudeau

„Ég get sagt sögu sem ég er ekki stoltur af,“ sagði Friends-stjarnan Matthew Perry við Jimmy Kimmel þega tal þeirra barst að Justin Trudeau, forsætisráðherra Kanada en Perry og hann gengu í sama skóla á sama tíma í Kanada þegar þeir voru börn.

„Vinur minn, sem var líka með mér í bekk, minnti mig á þetta um daginn. Við lömdum Justin Trudeau,“ sagði Matthew Perry

„Þið lömduð hann?“ spurði Kimmel. „Af hverju?“

„Ég veit það ekki,“ svaraði Matthew Perry. „Ég held að hann hafi verið rosalega góður í einhverri íþrótt sem við vorum ekki góðir í. Þetta var bara hreinræktuð öfund.“

Matthew Perry er því líklega einn af fáum sem getur sagt frá því að hann hafi lamið forsætisráðherra Kanada en söguna má heyra í heild sinni hér að neðan.