Svala fær hörku dóma á YouTube-síðu Eurovision: „Algjörlega heltekinn af þessu lagi“

Svala Björgvinsdóttir tekur þátt fyrir Íslands hönd í Eurovision sem fram fer í Kænugarði í maí. Svala mætir til leiks með lagið Paper og er lagið strax farið að vekja mikla athygli á Eurovision-vef keppninnar.

Þegar þessi frétt er skrifuð hefur lagið um 250.000 þúsund áhorf á YouTube-síðunni og um eitt þúsund athugasemdir.

Svala fær frábær viðbrögð og má lesa setningar eins og:

„Röddin hennar minnir mig á Robyn“

„Þetta lag er ótrúlega vanmetið“

„Verið velkomin aftur í úrslitakvöldið Ísland“ og „Að þessu sinni á Íslands svo sannarlega skilið að fara alla leið í úrslit.“

„Ég elska þetta lag, Svala er svo ótrúlega góð“

„Ég er algjörlega heltekinn af þessu lagi.“

Penny Antonakaki, YouTube-notandi, spáir þessu svona:

1. Belgium

2. Denmark

3. Azerbaijan

4. Sweden

5. Hungary

6. Greece

7. Iceland

„Þetta lag er töfrum líkast, algjörlega magnað.“

„Sigurvegari Eurovision 2017.“

„Til hamingju með þetta meistaraverk. Sjáumst á úrslitakvöldinu.“

Eyrnalokkar Svölu vekja einnig mikla athygli en hún er með fallega hringlaga lokka í myndbandinu. Ísland hefur ekki komist í úrslitakvöldið tvö ár í röð í keppninni en Svala stígur á svið á fyrra undanúrslitakvöldinu í Kænugarði.