Skipar nefnd til að kortleggja þjónustu við flóttafólk

Þorsteinn Víglundsson félags- og jafnréttismálaráðherra hefur skipað nefnd sem kortleggja á núverandi þjónustu við þá sem fengið hafa stöðu flóttafólks eftir hælismeðferð og gera tillögu að samræmdu móttökukerfi fyrir flóttafólk.

Sérstaklega skal hugað að þætti sveitar­félaga og frjálsra félagasamtaka við móttöku flóttafólks, tengslum milli stjórn­sýslustofnana og fræðslu fyrir starfsfólk ríkis og sveitarfélaga sem kemur að móttöku flótta­fólks.

Nefndina skipa:

• Kristján Sturluson, án tilnefningar, formaður　　
• Anna Guðrún Björnsdóttir, tilnefnd af Sambandi íslenskra sveitarfélaga
• Guðlaug Hrönn Pétursdóttir, tilnefnd af Vinnumálastofnun　　
• Hrafnhildur Kvaran, tilnefnd af Rauða krossinum á Íslandi　　
• Íris Björg Kristjánsdóttir, tilnefnd af innanríkisráðuneytinu　
• Páll Ólafsson, tilnefndur af Barnaverndarstofu　
• Rúnar H. Haraldsson, tilnefndur af Fjölmenningarsetri　
• Sigurður Örn Eyjólfsson, tilnefndur af Útlendingastofnun　　

Starfsmaður nefndarinnar er Linda Rós Alfreðsdóttir.