Bale ekki með á morgun

Real Madrid verður án Gareths Bale í seinni leiknum gegn Bayern München í 8-liða úrslitum Meistaradeildar Evrópu á morgun. Madrídingar unnu fyrri leikinn á Allianz Arena 1-2.

Bale er meiddur á hægri fæti og verður ekki klár í tæka tíð fyrir leikinn á Santíago Bernabeu.

Zinedine Zidane, knattspyrnustjóri Real Madrid, vonast hins vegar til að Bale verði klár í slaginn fyrir stórleikinn gegn Barcelona næsta sunnudag.

Bale hefur verið talsvert mikið meiddur í vetur og var m.a. frá í tæpa þrjá mánuði fyrr á tímabilinu vegna ökklameiðsla.

Bale hefur skorað níu mörk í 25 leikjum í vetur.