Þessi lið eru komin áfram í Borgunarbikarnum

Þó svo að keppnistímabilið á Íslandsmótinu í knattspyrnu sé ekki hafið er fyrstu umferðinni í Borgunarbikar karla lokið.

Fyrsti leikurinn í Borgunarbikarnum fór fram mánudaginn 17. apríl er Fjarðabyggð vann 1-0 sigur á Einherja frá Vopnafirði í Austurlandslag. Zoran Vujovic skoraði sigurmark leiksins.

Alls tóku 52 lið þátt í fyrstu umferðinni en þau eru öll úr annarri, þriðju og fjórðu deild.

Liðin tólf úr Inkasso-deildinni bætast í hópinn í 2. umferð keppninnar sem hefst með viðureign Nökkva og Magna á fimmtudagskvöldið. Umferðinni lýkur svo á sunnudagskvöld en alls eru 20 leikir í 2. umferðinni.

Tólf lið úr Pepsi-deildinni koma svo inn í keppnina í 32-liða úrslitunum, ásamt sigurvegurunum úr leikjunum 20 í 2. umferð.

Á vef KSÍ má sjá úrslitin úr 1. umferð bikarsins en hér fyrir neðan eru allir leikir helgarinnar í Borgunarbikarnum.

Stöð 2 Sport mun hefja beinar útsendingar frá Borgunarbikarnum í 32-liða úrslitum og að venju verða markaþættir í hverri umferð eftir að 32-liða úrslitin hefjast.

Fimmtudagur:

20.00 Nökkvi - Magni

Föstudagur

19.00 Selfoss - Kormákur/Hvöt

19.00 Keflavík - Víðir

19.00 HK - Fram

Laugardagur:

13.00 Árborg - Hamar

14.00 Tindastóll - Þór

14.00 Afríka - Þróttur R.

14.00 ÍH - KH

14.00 Kári - Augnablik

14.00 Njarðvík - ÍR

14.00 Fylkir - Vatnaliljur

14.00 Reynir S. - Haukar

14.00 Álftanes - Ægir

14.00 GG - Þróttur V.

14.00 Sindri - Huginn

16.00 Berserkir - KFR

17.00 Stokkseyri - Leiknir R.

Sunnudagur:

14.00 Fjarðabyggð - Leiknir F.

14.00 Dalvík/Reynir - Völsungur

19.00 KFG - Grótta