Veðmangarar spá Svölu ekki áfram í kvöld

Svala fer ekki upp úr undanúrslitariðlinum í kvöld ef marka má líkur veðmangara. Svíþjóð er spáð efsta sætinu ásamt Armeníu og Portúgal.

Á vefsíðu Eurovisionworld má sjá samantekt yfir hvaða lönd helstu veðmálasíður spá áfram í kvöld. Þar er Svala í fimmtánda sæti en í kvöld fara alls tíu lönd áfram í stóru keppnina. Stuðullinn á að Svala fari áfram er á bilinu fjórir til fimm.

Svíum og Armenum er spáð efstu sætunum í kvöld og er stuðullinn á þessi lönd fari áfram aðeins 1,02. Það þýðir að sá sem veðjar 100 krónum á að þessi lönd fari áfram í kvöld fær 102 krónur til baka. 

Sjá einnig:Þetta eru lögin sem keppa á móti Svölu í kvöld

Samkvæmt þessu mun Svala sitja eftir ásamt Albönum, Tékkum, Lettum og fjórum öðrum löndum. Svala söng í gær í dómararennslinu svokallaða en atkvæði dómara gildir 50 prósent á móti atkvæðum áhorfenda.

Stóð hún sig frábærlega í dómararennslinu og fékk frammistaða hennar góðar viðtökur. Hún stígur svo á svið í kvöld í von um að heilla íbúa Evrópu.

Þessi lönd fara áfram í kvöld samkvæmt veðmöngurum

1. Svíþjóð
2. Armenía
3. Portúgal
4. Azerbaísjan
5. Grikkland
6. Finnland
7. Ástralía
8. Moldóva
9. Kýpur
10. Belgía

Þessi lönd sitja eftir

• Pólland
• Lettland
• Georgía
• Slóvenía
• Ísland
• Albanía
• Svartfjallaland
• Tékkland