Svona mun atriði Svölu líta út á þriðjudaginn

Svala Björgvinsdóttir steig á svið í Kænugarði í dag en eins og alþjóð veit keppir hún í Söngvakeppni evrópskra sjónvarpstöðva fyrir Íslands hönd 9. maí.

Um var að ræða nokkurs konar generalprufu fyrir keppnina á þriðjudaginn þar sem öllu var tjaldað til; danssporunum, hlóðblönduninni, grafíkinni, ljósunum að ógleymdu samspilinu við myndavélarnar sem munu miðla herlegheitunum til hundruð milljóna Evrópubúa.

Í stuttu máli: Atriði Svölu, eins og það mun koma til með að líta út á þriðjudaginn, var frumflutt á sviðinu í dag.

Hér er brot úr atriðinu af opinberu Eurovision-síðunni. Atriðið mun því birtast nokkurn veginn svona í sjónvarpinu.

Skiptar skoðanir eru um atriðið; einum þótti ljósasýningin fullýkt á meðan öðrum þóttu grænu leysergeislarnir koma vel út. Allir voru þó sammála um að söngur Svölu hafi verið til fyrirmyndar.

This is very slick from Svala. The green lasers against her outfit look stunning. Awesome camera work. #eurovision #esc2017 #iceland

— ESCBubble (@escbubble) May 4, 2017

Back to the current rehearsals. Svala's vocals were great but my eyes were hurting from the lighting. It was just way too glaring.

— Cassia (@escassia) May 4, 2017

Hér að neðan má upptöku hinnar virtu Wiwibloggs af æfingunni í dag. Svala er sú þrettánda í röðinni á þriðjudaginn. 

Fréttastofa 365 verður með ítarlega umfjöllun frá Eurovision í Kænugarði næstu daga.

Fréttamennirnir Stefán Árni Pálsson og Benedikt Bóas Hinriksson verða með umfjöllun hér á Vísi, Stöð 2, Fréttablaðinu og á Bylgjunni á hverjum degi í gegnum alla keppnina. Þá verður sérstakur vefþáttur á Vísi alla dagana sem ber nafnið Júrógarðurinn.

Hægt verður að fylgjast með ævintýrum Stefáns og Benedikts í Kænugarði á Twitter-reikningi Lífsins og á Snapchat-reikningi 365 sem heitir einfaldlega Snap-365.



Við minnum líka lesendur á að fylgjast með Facebook-síðu Lífsins, Facebook-síðu Vísis og Twitter-reikningi Vísis.