Valur mætir Stjörnunni í bikarnum | Vikingar til Þorlákshafnar

Dregið var í 16-liða úrslit Borgunarbikars karla í höfuðstöðvum KSÍ í dag en stórleikur umferðarinnar er viðureign bikarmeistara Vals og Stjörnunnar á Hlíðarenda.

Einn annar Pepsi-deildarslagur er í umferðinni en þá taka Eyjamenn á móti Fjölni á Hásteinsvelli í Vestmannaeyjum.

Liðin tvö úr 2. og 3. deild sem komust í 16-liða úrslitin fengu bæði heimaleik. Ægir, sem hafði betur gegn Þór í 32-liða úrslitunum, tekur á móti Víkingum úr Reykjavík og Víðir fær Inkasso-lið Fylkis í heimsókn. Síðarnefndi leikurinn er sá eini í umferðinni sem er ekki með Pepsi-deildarlið.

Leikdagar í umferðinni eru 30., 31. maí og 1. júní.

16-liða úrslitin:

FH - Selfoss

ÍR - KR

ÍBV - Fjölnir

Víðir - Fylkir

Ægir - Víkingur R

Valur - Stjarnan

ÍA - Grótta

Leiknir R - Grindavík

Liðin í pottinum:

Pepsi-deildin: FH, KR, Valur, ÍBV, Grindavík, ÍA, Víkingur R., Stjarnan, Fjölnir

Inkasso-deildin: Þróttur R., Selfoss, ÍR, Fylkir, Grótta

2. deild: Víðir

3. deild: Ægir