Erlent

Mótmælendur tókust á við lífverði Erdogans

Gunnar Reynir Valþórsson skrifar
Frá mótmælum í Washington í gær.
Frá mótmælum í Washington í gær. vísir/epa
Til átaka kom í Washington í nótt fyrir utan tyrkneska sendiráðið á milli mótmælenda og lífvarða Erdogans forsætisráðherra sem nú er í opinberri heimsókn í Bandaríkjunum. Níu særðust og tveir voru handteknir.

Vitni segja að slagsmál hafi brotist út eftir að lífverðirnir réðust að manni sem flaggaði fána PYD-flokksins, sem er flokkur Kúrda í Tyrklandi. Erdogan forsætisráðherra er sagður hafa verið inni í sendiráðinu á meðan á átökunum stóð.

Skömmu áður hafði Erdogan hitt Trump forseta í Hvíta húsinu þar sem þeir sammæltust um að efla samskipti ríkjanna.

Erdogan varaði Trump þó alvarlega við því að Bandaríkjamenn vopni kúrdíska uppreisnarhópa í Sýrlandi, en Kúrdar, sem meðal annars búa í Sýrlandi og í Tyrklandi, krefjast sjálfstæðis.

Mest lesið


Fleiri fréttir

Sjá meira


×

Mest lesið