Tveir af þekktustu króatísku landsliðsmönnunum þurfa að bera vitni í leiðindamáli

Luka Modric og Dejan Lovren eru á leiðinni til Íslands til að spila leik í undankeppni HM en þeir eru líka báðir á leiðinni í réttarsal þar sem þeir eru vitni í spillingarmáli í heimalandi sínu.

Luka Modric er nýbúinn að fagna sigri í bæði Meistaradeildinni og spænsku deildinni með Real Madrid og Dejan Lovren hjálpaði Liverpool að komast aftur í Meistaradeildina með því að ná fjórða sætinu í ensku úrvalsdeildinni.

Spillingarmálið sem hefur áhrif á þá tvo er í kringum gamla félagið þeirra Dinamo Zagreb þótt að hvorugur leikmannanna sé grunaður um eitthvað saknæmt. BBC segir frá.

Málið snýst um félagsskipti þeirra á sínum frá Dinamo Zagreb til liða utan Króatíu. Hinn 31 árs gamli Luka Modric þarf að gefa vitnisburð um það þegar Tottenham fékk hann frá Dinamo árið 2008 en hinn 27 ára gamli Dejan Lovren að segja það sem hann veit um félagsskipti sín frá Dinamo til franska liðsins Lyon árið 2010.

Báðir eru búnir að skipta um félög síðan þá því Modric fór frá Tottenham til Real Madrid og Lovren fór fyrst til Southampton og svo til Liverpool.

Réttarhöldin eru gegn Zdravko Mamic, fyrrum yfirmanni Dinamo Zagreb, og þremur öðrum en þar á meðal er bróður hans og fyrrum þjálfari Dimano, Zoran Mamic. Hinir tveir eru Damir Vrbanovic, fyrrum framkvæmdastjóri félagins og svo skattrannsóknarmaður. Allir halda þeir fram sakleysi sínu.